上星期六搞掂晒所有嘢之後, 係元朗一番食人稱權頭咁大嘅壽司......
大家睇下呢嚿甘蝦壽司, 新鮮, 好味~~~
嘩........... 果然係名不虛傳嘅權頭壽司呀~~ 睇下, 真係好似我個權頭咁大呀~~~ 
是晚我地叫咗一客8件嘅三文魚刺身, 又厚, 又大塊, 食落去啖啖肉, 正呀~~~~~~
仲有甘蝦、大八爪魚、鰻魚壽司, 本來無叫鰻魚, 但見到佢長長一大條嘅鰻魚好吸引, 真係引死人~~
小食叫咗腐皮炸蝦卷, 又係好好味, 裡面除咗蝦, 仲有一小嚿魚肉呢~~
告訴大家, 平日晚上我食飯嘅份量就係咁多, 是晚就食咗足足三晚嘅份量 
初初見到d壽司覺得好得意, 好開心, 食下食下, 我同張先生食飯食到"牛"晒, haha...... 名符其實嘅食飯飽~~ haha... 
嘩~~真係好大舊壽司喎~ 你0地2個仲叫0左咁多~食唔食得晒呀~ 如果係我食2 舊都飽到要嘔啦~ 哈哈
回覆刪除咁大舊飯，仲點食到其他野呢？
回覆刪除真係食兩嚿都飽呀~~~ 我不容易先食埋第三嚿, 第四嚿都啃唔落, 結果張先生食咗五嚿飯, haha......
回覆刪除waaa~~ 我未見過咁大舊壽司~~ 好得意wor~
回覆刪除我都係第一次見咁大嚿壽司咋~~
回覆刪除有時間一定要去試下。
回覆刪除咁大舊好飽呀...
回覆刪除咁大舊飯，食兩件都飽晒啦~
回覆刪除一番日本料理店 元朗教育路29號
回覆刪除我同一的同學食過一次都唔再去.太大啦...
回覆刪除元朗, 仲有好多其他壽司店.發掘下啦.
回覆刪除