絲花花球

11 Nov 2006

今日放咗工, 無無聊聊, 於是去咗花壚買d材料製作花車佈置, 係繽紛逛咗好耐, 太多選擇, 心大心細, 行逛期間, 諗起: 不如做個假花球, 到時玩拋花球!

於是睇咗d假花先, 俾我見到現醒有一束牡丹花o既花束(我估係牡丹~~), 價錢只不過係30蚊, 唔駛自己襯, 價錢又ok, 所以就買咗佢啦~~

揀好花之後, 就去揀絲帶for花車, 真係諗到頭都爆~~  幸好個度有個店員俾咗d意見我, 買咗卷淺紫色o既絲帶, 再加一卷硬身o既紗!

跟住我打蛇隨棍上, 同店員姐姐講, 呢束花係想係結婚時拋, 但諗唔到點修飾下佢, 跟住店員姐姐就提議我放層紗係d花下面託底, 再加d絲帶, 於是又買咗佢講o既嘢! 結果埋單175蚊~~

返到屋企, 急不及待開始動工, 但係個卷硬身o既紗好難控制, 整極都未如理想, 唉......

於是決定唔整住, 整咗個花球先, 今次勞動到媽咪出馬, 幫我將層白紗襯落束花度, 基本上全程都係媽咪整, 而我只不過係從旁觀"監督", haha......

大家睇下, 呢個就係媽咪製作o既花球~~ 靚唔靚呢?!

如果個真花球真係捱唔到夜晚用, 我就打算用住呢個黎影相先~~ hehe......