嫁錯郎(中)

間唔使都會搵兩BB媽媽傾計, 問下佢近況~~

尋晚, 同兩B媽媽傾開, 問下已為人父嘅兩B爸爸有無比以前生性(因為之前傾開計, 兩B爸爸都唔多定性, 唔多顧家咁~~), 點知......

兩B爸爸真係好衰, 間唔使唔返屋企瞓都不特止, 仲要唔俾家用返屋企  

兩B媽媽已經要湊B仔(5歲)同埋B女(11個月), 仲要做埋part-time幫補家計, 賺得已經唔多, 賺到都只夠三仔乸食!

個衰人竟然一分一毫都無出, 兩B媽媽之前儲落嘅, 之前都用黎交晒d乜費物費, 租都未交, 家陣都無錢交, 儲埋一大叠單, 個個衰人竟然視若無倒, 理都唔理下, 一日推一日, 指意兩B媽媽d積蓄交~~

佢實在太過份啦~~

衰都不特止, 仲要鬼咁奸, 無錢就咪鬼叫兩B媽媽去飲茶啦~~ 埋單時竟然俾廿蚊叫兩B媽媽埋單 ... 呢個係咪男人, 係咪人黎架~~~~~~~~~

問兩B婆婆借咗錢又還唔到, 兩B媽媽覺得唔係咁好, 始終自己家事, 唔想影響到自己娘家, 自已又攞錢幫佢還.....................

兩B媽媽知道兩B爸爸依家賺少咗, 但兩BB媽媽都唔要求佢俾好多家用, 但係幾千蚊夠交乜費物費都好丫~~ 再加埋自己賺到個d, 都儲到少少~~ 點知個衰人兩B爸爸俾都唔俾! 實在太太太................ 過份啦!!!