結婚倒數: 8日

23 Nov 2006

放咗工, 同細妹去咗度身, 好彩, 佢都鍾意我揀俾佢個件伴娘裙!!!

聽日就有得再試身, 佢地行動又會咁快嘅?! 真係暫時對金都d shop無乜保証呀~~ 所以仍然有所保留!!!

度完身, 跟住就揀頭飾、頸鏈, 憑空想像, 真係好難揀~~

之前就咁望就覺得個度好多頭飾頸鏈選擇, 但當真真正正去揀時, 真係好難揀呀~~

難得揀到個婚紗頭飾, 點知又無期, 唉..................

結果, 揀咗一個皇冠狀嘅頭飾, 一條水晶頸鏈俾媽咪, 一條俾細妹, 再加一條粉紅色水晶頸鏈襯晚裝~~

不過我諗到時應該會放棄呢d飾物!

因為覺得租衫度包埋個d頭飾頸鏈, 比佢地個d靚, 又無謂借咗佢地個d返去又無用, 唔見/整爛就大濟~~ 因為個度要收按金三千個大樣架~~ 擔心到時俾佢屈就唔係咁好啦~~ (始終對金都d店無乜信心保証呀!!!)

搞掂晒就同細妹返屋企食飯!!!