煩、煩、煩......

因乜解究咁煩?! 唉..........................

咪又係為咗個坐位表而煩囉~~~

早幾日, 兩B媽話佢老公又話黎飲(其實之前已問過兩B媽, 佢話兩B爸唔會黎)~~~

跟住, 張先生想當年嘅中學同學打電黎叫張先生做佢兄弟(佢個書友仔將係明年二月結婚), 跟住又要請埋佢地黎飲~~~~~

張先生個保險經紀朋友又話約我地食晚飯, 咁佢一早知我地結婚擺酒, 臨結婚前搵我地食飯, 唔請佢又唔好意思~~~

跟住爸爸個度又超煩, 成日好似唔爹唔掉咁~~ 又係五時花, 六時變, 個頭話唔請呢個、o個個, 轉個頭媽咪又問我做乜俾少一張帖爸爸

又話唔請公司個亞姐, 又話俾張帖佢算, 隔兩晚又話個個亞姐話要去飲~~ 救命呀~~~

問爸爸做乜仲唔派帖, 佢又話唔駛咁急  睇怕佢又唔知諗乜, 可能仲未諗清請邊個、唔請邊個掛......

都係媽咪好, 夠爽快! 話請邊個就邊個, 唔請就唔請, 唔會三心兩意! 仲要好有效率地已經派晒d帖添!

家陣個坐位表又要再執過, 都已經執過N咁多次啦~~

一係就"突張" , 一係就爭一個先夠12人, 唉...........................

我都明白就算執得幾咁好, 到擺酒個晚實會亂晒龍~~

但都希望盡力做到個坐位表好好睇睇咁~~ 盡量安排識個堆人坐埋一齊(但其實好有難度呢!)

但係點執都好, 始終都未有成果~~ 唉......

睇怕唔到入坐個刻, 個坐位表一日都唔會成!!!