兩B媽媽都兩B爸爸之間, 交又嘈過無數次, 鬧離婚又鬧過一次, 家陣除咗講錢之外, 都好似無咩好講~~
兩B媽媽呢排都係為錢而煩惱, 自己媽媽又唔可以傾訴, 因為佢媽媽都已經為個女(即兩B媽媽)擔心、操心~~ 
至於老爺奶奶, 就更加唔會幫佢, 因為佢老爺對兩B爸爸都好絕, 因為佢知自己個仔係咩人, 所以同兩B媽講: 香港地, 餓唔死人, 攞綜援囉~~ 
(言語間, 即暗示叫兩B媽媽同佢個仔離婚遮~~)唉........... 咩人黎架~~ 唔睇個新袍, 都睇在d孫份上啦~~ 
兩BB媽媽話有諗過同個衰人離婚, 但係對仔女又細, 又擔心離婚會對佢地做成好大影響, 所以唔到最後, 都唔會行呢一步! 就算攞綜援, 亦唔會益個衰人, 咁當然啦, 佢衰到加零十, 自己親手毀滅自己頭家~~~~
俗語有云:「寧教人打仔, 莫教人分妻」當然, 在心中硬係想同佢講, 同個衰人離婚啦~~ 既然係埋一齊, 佢俾唔到一個基本嘅需求俾個家, 又如何俾到
俾自己、俾仔女呢~~
但係, 我又唔可以咁直接提議佢離婚, 即使係兩B媽媽嘅父母、老爺奶奶, 都唔可以叫佢離婚, 更何況我地只係朋友呢~~ 
因為呢件事, 始終係佢兩公婆嘅事, 牽涉一對仔女在內, 外人無權教佢點做點做, 萬一有咩事, 局外人真係承擔唔起呢~~
同兩B媽媽傾計期間, 真係好唔明, 既然個衰人一直以來都係咁, 沒有變好, 只有越來越差, 何解兩B媽仲會生B女出黎呢?! 
當時真係唔敢問, 因為好似落井下石咁~~ 今朝同好朋友橄欖人(大家同兩B媽媽都係好朋友)講關於兩B媽媽嘅事, 原來兩B媽媽見B仔悶, 所以生多個陪B仔 
兩B媽媽如果真係咁諗, 實在太不智啦~~~ 
自己又幫唔到佢d乜, 希望佢嘅問題早日解決啦~~ 
沒有留言:
張貼留言