仲有一個月咋~~

仲有一個月, 我同張先生就真真正正踏入人生另一階段啦~~

但係到目前為止, 好似仲有好多嘢未準備好添~~ 一下子又講唔出係d咩, haha...

今日, 去咗睇醫生, 因為每逢重要時刻, 唔生性嘅疱疹就會黎搵我個嘴!!!

之前註冊個排, 又係咁~~ 好彩個時生得唔係好勁, 而靚媽嘅化妝技術好, 所以先唔多覺咋~~

我頭先同醫生講我每逢重要時刻都會生疱疹, 佢返查四月時嘅記錄, 又確實係喎~~ 連醫生都係度笑呢~~   跟住叫我唔好咁緊張, 壓力大都會有影響喎~~

結果, 醫生開咗兩種維他命E俾我, 每日食一粒, 食足一個月, 食到擺酒個日, 希望掂啦~~