姊妹聚餐 ~~ 美食篇

16 Nov 2006

好不容易先約到班姊妹一齊飯聚呢~~~

是晚我地去咗Olive介紹o既「悠悠中華食桌」享用我地o既晚餐!

果然無介紹錯! 平、靚、正呀!!!

 我地一行六人, 食咗：

  三色肉崧脆卷 (外層好似油炸鬼, 脆pok pok, 炸得好香口呢)

   

花鵰素鵝 (酒味唔太濃, 剛剛好, 不過olive食唔出有酒味, 碧瑜就話d酒太勁呢~~)

   菊花松子魚  (酸酸甜甜, 開胃呀!)

  三文魚黃薑炒飯 (薑味唔重, 有少少咖喱味, 都ok)

 龍仔蝦油豬肉粒蒸飯 (無食到, 不能致評, haha......)

  肉崧麻香薄餅

(正呀~~ 脆pok pok, 好香, 好似印度薄餅, I like it 相信張先生都應該會好鍾意, haha... )

 柚子乳酪豬柳 (柚子加乳酪, 呢個味道都不錯~~)

 香蘭椰汁糕 (椰汁味唔重, 反而班蘭葉味重d, 清清地, 都ok好味)

 香脆蜜瓜奶 (麻麻地, 蜜瓜味唔重)

(以上所有圖片摘錄自"悠悠中華食桌"網頁:

http://www.youyou.com.hk/)

食物o既實樣同相片o既差別唔大, 都一樣咁靚~~ 雖然碟頭唔大, 但係都夠我地六個女仔食 (佢地話飽, 但唔知係咪真係飽呢?! )

好味之餘, 價錢仲要係好第添呀~~~~~~ 我地食咗咁多嘢, 埋單只不過係213蚊咋~~

埋單時仲以為自己睇錯, 再望真d, 真架喎~~~~

真係好第呀................ hehe.......  再去呢度食多餐都仲得呀~~~

原本仲預咗700蚊食飯, 家陣平咁多, olive真係無介紹錯呀~~ haha