8兄弟8姊妹

原本打算6兄弟6姊妹, 點知...... 張先生當初叫下叫下, 又無數人數, 結果佢就叫咗多咗一個兄弟, 變咗7個!

於是, 張先生咪叫多1個朋友做兄弟, 湊夠雙數, 而我, 就依然打算6姊妹!!!

點知......... 當搵埋第8個兄弟時......... 第二日, 初初叫突咗個位兄弟, 突然同張先生講, 個日做唔到兄弟......

有無咁啱呀! 早唔講, 遲唔講, 家陣搵咗第8個兄弟, 先至話唔得, 啱啱先叫咗人, 又唔好意思同人講叫人唔好做, 結果, 又打回原形, 變返7個兄弟!!! 

張先生左諗右諗, 都唔知搵邊個兄弟頂替, 我咪諗住不如7兄弟7姊妹, 計埋我地兩個咪8vs8囉~~ 點知..... 好朋友亞勇諮詢過佢結咗婚嘅朋友們, 話係唔計我同張先生嘅~~  同埋七七聲唔好聽......  所以都建議8vs8, 或者8vs6, 總之一定要雙數!!!

於是, 左度右度, 如果8vs6影相出黎又唔好睇, 怪怪的咁~~ 臨時臨急搵多兩個姊妹, 又有d難度, 人地都請唔到/請唔切假啦........

搵咗兩B媽媽做姊妹, 佢應承咗~~ Haha... 跟住打算搵其中一個兄弟嘅老婆做姊妹, 不過未問佢得唔得, 希望佢無問題, 個日請到假啦~~

真係對唔住師奶仔同Rachel, 係一開始拒絕咗你地做姊妹, 但家陣又無搵你地!  你地住得太遠啦, 唔想你地個日晨咁早, 山長水遠走入黎屯門呢~~~