Pizza妹妹就黎俾人逐出家門架啦~~ 唉....... 
事緣係咁...............
尋晚爸爸早咗返屋企, 當返到屋企門口, 咁啱係隔離屋學琴個小朋友離開, 爸爸又不以為然, 一開門, Pizza妹妹衝咗出去, 爸爸驚佢會嚇親個小朋友, 咪去捉佢囉, 係捉佢其間, Pizza妹妹竟然一啖 "誓" 咗去爸爸食手指度, d血流到"吧吧"聲....... 
爸爸嬲到爆炸, 自己入急症, 但係醫院無幫佢連針, 只係包扎咗~~
以上事件, 我並無在場, 全部都係媽咪尋晚打電講返我知~~
搞到成晚囉囉鬈, 唔知爸爸有幾嚴重?! 又唔知爸爸會唔會趕Pizza妹妹走~~ 唉....... 
又係度諗: 如果爸爸趕走咗pizza, 佢識唔識返屋企呢~~ (應該唔識吧~~)
又諗: 係公園會唔會搵返Pizza呢?! (可能會俾人執咗吧~~)
跟住又諗: 如果真係掉咗佢係公園, 聽日駛唔駛請假返屋企樓下公園搵Pizza呢?!
一連串o既問題浮現係腦海..........
今日搭車返屋企時, 又係度諗: 爸爸會唔會趁無人係屋企, 捉走Pizza呢?!
好彩, 返到屋企仲見到Pizza妹妹存在~~ 
到今晚, 爸爸放工返黎, 無彩過Pizza, 唔識趣o既Pizza仲係佢面前團團轉!
好彩咋！
回覆刪除PIZZA妹妹係咪同爸爸say sorry呀?
回覆刪除唉................ Pizza妹妹o既命運係點, 明天自有分曉! 因為今朝早, 爸爸先同我地講: 聽日會有漁護署d人黎捉Pizza走... (大家o既心情當堂為之一沉....................................) 媽咪 : 點解? 爸爸 : 去急症時俾狗咬, 要報俾police知, police抄抵咗電話! 到時佢地會call我! 媽咪 : 唔捉唔得o既咩?! 細佬女友 : 唔好捉走pizza啦~~~ 爸爸 : pizza植入咗晶片, 好彩又打咗針........................ 靚靚張師奶 : 你自己同manyee解釋!!! (因為pizza妹妹係細妹拎佢返黎養o既, 家陣佢去咗外國讀書~~ 同埋我都無咩好同爸爸講囉) 跟住, 爸爸就怒啤住我.................................... 唉.................. pizza妹妹俾人捉咗去, 個d人會點對佢呢?! 佢一定好驚啦~~ 會唔會因為咁而俾人"啪"咗呢?! Pizza妹妹, 祝你好運啦~~ 希望你聽日平平安安啦!
回覆刪除Pizza妹妹好慘呀!
回覆刪除pizza妹妹大步欖過，香港都唔似大陸有咁多瘋狗症
回覆刪除咁點呀,我地屋企成日都比BB咬架,但未至於去到流晒血,但我爸爸個伙記黎我地屋企同BB玩,都一口咬落去都有D血流出黎架,但好彩最尾都無事,其實如果佢走出左,應該叫個名,唔好係佢身邊一野抱住佢,因為佢以為有人想突擊佢架... 希望你爸爸唔好為左咁而掉走PIZZA啦,唔係佢好慘架,慢慢培養番佢啦... 佢都係一個生命黎架...
回覆刪除多謝各位咁關心Pizza妹妹! Pizza妹妹平安無事, 大步攬過~~~ 事緣係咁........ 細佬女友打電去漁護署問, 個邊職員話, 隻狗係自己養, 如果傷者唔同佢地講係邊食狗咬佢, 漁謢署d人都捉唔到, 如果傷者唔追究, 打返電話俾佢地話唔捉狗咁就唔會上黎捉架啦~~ 爸爸媽咪細佬同佢女友尋日同亞婆亞姨們飲茶, 係你一句, 我一句嘅群眾壓力之下, 爸爸打咗個電話去話唔捉狗........ 所以Pizza妹妹唔駛俾人捉囉... 原來, 如果Pizza俾人捉咗去, 唔係扣留一日, 係扣留七日, 因為佢3年內都無去打針(咩針就唔記得咗), 要扣留七日睇下佢有無病毒! 無事當然走得(仲要係俾咗錢先可以走), 有事就無得走...... 如果Pizza俾人扣留七日咁多, 怕且佢會嚇到傻, 出唔出到黎都成問題囉~~~ Pizza妹妹, 你以後要乖啦~~ 你再咬爸爸就真係保唔住你條命仔架啦~~~
回覆刪除