結婚倒數: 16日

15 Nov 2006

仲淨返半個月就到大日子啦~~~

心情係點?!

無乜特別o既感覺! 呢排都無咩時間諗結婚d嘢, 一來返工多嘢做, 二來諗到唔想再去諗, 想抖抖先~~ haha......  (但係再唔諗下, 就無時間諗囉~~)

減肥減成點?!

咩運動都無做過, 嘢照食  所以一d都無瘦過!!! 無肥都已經係好事囉~~

話時話, 朋友仔亞勇想當年結婚前一個月已經瘦咗成廿磅, 又聽其他結婚o既準新娘講瘦咗幾多幾多磅, 我係咪有d奇怪呢?!  一磅都無輕過! hehe......

好開心 今日接到影相個度打黎, 話個mv同埋簽名報整好咗, 有得攞啦~~~ haha......

11月6日攞去整, 當時個店員哥哥話最快婚期前一個星期先有, haha...... 竟然唔駛等咁耐, 家陣就有得拎, haha...... 唔知整成點呢?!

仲有雅芳婷個邊又打黎, 話龍鳳被已繡好我地個名啦, 可以隨時去拎, haha... 實在太好啦~~

跟住我至愛o既Precious Moments結婚公仔, 星期六都有得攞啦~~~~~

尋日又約埋VL個邊今個星期六last fitting~~

Yeah!!!  今個星期六將會好busy呀~~~~~~~~~~~~