Fitting完之後, 我地一行三人就起行去旺角......
旺角第一站就係去雅芳婷攞己繡好名o既龍鳳被, 順便買多一個被笠, 特價咗都要成250蚊, 媽咪就買咗張特價咗490蚊o既絲絨被!
俾錢時, 遇到Candy朋友 -- May, 當然要打一打招呼啦, 好彩..... 佢仲認得我, 我咪多口問下有無得再平, 佢實在太好人啦~~ 肯再平俾我呀~~
個被笠就平咗50蚊, 但係張被因為係優惠價, 所以無得再平lu~~ 但係平咗成50蚊, 都已經好開心, 仲要有得"吸"停車場2hrs (買滿400蚊有2hrs free), 我地已經賺咗囉~~~
hoho...... 
真係唔該晒亞May o既幫助呀~~ 佢仲話第時有嘢要買去搵佢添呀, haha...... 佢真係好好人呢~~
龍鳳被 被袋
跟住我同媽咪去咗金都先, 張先生放返d嘢上車再同我地回合!!! 帶媽咪去睇下細妹條伴娘裙, 佢都話幾靚呢!
逛咗一陣, 就行去攞簽名布同埋隻MV, 張簽名布都整得幾靚 (連要求高o既張先生都話靚, 媽咪都讚靚呢~~ Hehe... 
), 唔算好大張, 用一張相就係好足夠, 應該都夠位俾人簽名! Haha...... 
個MV張先生都話幾好, 唯獨是最尾個張相o既排位唔係好得, 不過都算啦~~ 到時d賓客都唔至在你排得靚唔靚, 有得睇就已好滿足架啦~~ 加上我地播晒d相之後, 段片仲有少少動畫搭夠, 都唔係唔好o既~~~ 
攞完MV, 去咗花園街食蝦子麵, 今次我食咗碗菠菜麵, 
都幾爽口喎~~
食飽飽之後去咗新世紀攞結婚公仔, 嘩.................. 超級靚呀(對我黎講, hehe... ) 超勁鍾意呀~~~~~ 張先生同媽咪都話好靚呀~~~~~ 大家睇下:
佢地好靚、好可愛呀
跟住就向花墟進發, 張先生同媽咪好俾心機咁去揀花, 相討邊隻襯d, 邊隻靚d~~ 而我, 已沒有那份熱心、熱情lu~~~ 
結果, 就買咗130蚊, 還是覺得上次買o既花靚過今次呢d呢~~唔知整出黎個效果如何呢?!
一諗到呢幅油畫, 我又諗返起我個 "好" 奶奶o既所作所為!
買完嘢, 車媽咪返屋企同埋放底d物資後, 我同張先生就入咗元朗, 租咗部24 van, 初時無諗住租24 van, 又因為其中一個有車兄弟突然話個日唔得閑做兄弟, 張先生搵咗另一位無車兄弟頂替, 跟住呢位兄弟又要問人借部車先得, 既然係咁, 倒不如租部24 van唔駛煩~~~
租部24 van 6小時, 原價1380蚊, 有85折, 折咗之後1173蚊, 價錢都算ok, 於是就落咗訂~~~
搞掂晒, 我地就去咗一番食日本料理, 跟住就回家~~~~
對結婚公仔真係好靚呢~ 係唔係好貴嫁? 嘩~~你一日點解可以做得咁多野既? 如果係我既話我諗已經累死0左..... 因為我唔係咁鐘意行制既人呢~ 除非我有野睇中~想買呢~~
回覆刪除我bf都拎左啦張被啦,咁岩既,亞may仲認到你 咁咪好囉,再平d,哈哈 唔緊要,都買左d新花,再整過啦
回覆刪除Lala, 對結婚公仔買咗差唔多千五蚊呀~~~~~ 真係好貴~~~~~ 但係千金難買心頭好呢~~~ haha...... 因為唔想分幾日去, 一日去晒, 一車車返屋企, 唔洗煩麻~~~ 我都唔鍾意行街o既, 見到條街咁多人頭都暈呀~~ 自從結婚要save $$, 都好耐無去shopping買新衫啦~~~
回覆刪除嘩...真係好貴喎~ 我男朋友一定唔會買啦~ 佢一定會話係冇謂嫁~~佢一定會問買返去咪又係擺0係度喎~ 所以我話佢一d都唔浪漫~ 你既bigdate 就快到~ 心情緊唔緊張呢
回覆刪除haha...... 張先生都係一個唔浪漫o既人 好耐之前帶過佢去睇, 當時佢話唔靚~~ 之後睇過金都個d, 自己都唔鍾意個d~~ 所以咪括出去, 買咗佢囉~~ haha..... 到攞個時張先生不停讚靚呢~~~ haha... 我依家o既心情~~ 煩惱已掩蓋一切, 都唔覺緊張~~ 但係好似好多嘢都未準備好呢~~~ 家陣有d那手唔成世o既感覺, 唔知準備邊樣嘢先, haha...
回覆刪除