結婚倒數: 12日

19 Nov 2006

今日, 又發生咗d不如意事, 唉.........................

話說尋晚媽咪打電問我仲有無唐餅咭淨, 因為要俾張嬸嬸(即爸爸細佬個老婆), 好彩買多咗做士啤~~~ 但其實因為亞麻同叔叔嬸嬸一齊住o既, 以為俾咗亞麻就等於俾咗佢 (1張唐餅咭+1張西餅咭), 點知............. 

又話說今朝早同爸爸、媽咪、亞麻同埋亞婆一齊飲茶, 媽咪就將個兩張餅咭交俾亞麻, 叫佢轉交嬸嬸, 媽咪額外又俾一張餅咭佢, 點知...................

 好麻煩o既亞麻係度話: 原先俾我個張餅咭, 我俾咗個朋友

 : 我同佢講咗我孫女係俾咗咁多餅咭我, 無啦~~

張師奶: ..................................

 : 家陣好多錢四圍派呀~~~

跟住亞麻又話

 : 亞叔唔駛發柬咩?!

張師奶: ..................................

: 個日你幾點出門架? 我諗住就返d時間去執紙皮!

張師奶: 吓...... 無嘢麻, 你個孫嫁個日你仲去執紙皮?!?!?!?!?!?!?!?!?!?!?!?!?!?!

 : 哈哈... 唔執都得, 執少一日問題唔大!

張師奶: ..................................

當亞麻"up"完一大輪嘢, 食飽飽就早走, 佢一走咗, 跟住就黎料.......................................

亞婆第一個開口講話.......

 笑笑口既亞婆: 自己一家人又駛咩發帖架~~~

 黑口黑面兇神惡煞既爸爸: 你唔好講咁多嘢啦~~ 佢要講咪有得佢講囉~~~~~~~

我同媽咪堂時o既表情 -->

跟住就燒到我個搭........................................

 仍然黑口黑面兇神惡煞既爸爸: 你今日之內攞張帖上去俾佢, 仲有, 買又好點都好, 拎10張餅咭俾佢, 仲要你親自拎上去俾佢!!!

張師奶: ........................ (心諗: d人真係麻煩~~ 搞屎搞棍, 唔知係咪嫌我唔夠煩, 再俾多d煩惱我呢?!)

跟住爸爸就dump張單俾我埋單.............

離開酒樓, 爸爸就一支箭咁走咗, 亞婆就自己返屋企, 淨底我同媽咪, 一邊行街一邊鬧個班不知所謂既人呀~~~~~~~~~~~~

我同媽咪條氣都好唔順, 大家都好嬲......

第一, 亞麻講咗咁多嘢期間, 爸爸一直無出過一句聲, 反而亞婆出一句聲遮, 佢竟然咁喝亞婆, 真係好唔公平, 點解講咁多不知所謂嘢個個佢唔話, 反而話無做錯任何事既亞婆?! 自己心情唔好, 就搵我地黎出氣................

第二, 乜自己親兄弟都要派帖既咩?! 唔係講聲就得o既咩?! 都唔知係咪嬸嬸見姑姐有帖佢無帖, 係亞麻面前講說話! 姑姐個d嫁咗出去派俾佢係正常~~~

唔通亞爺係度, 又要派俾亞爺啦喎?! 咁我係咪要派張帖俾我自己細佬?! 咁張先生係咪要派埋俾佢自己d親大佬? 要派帖通知佢黎飲?! 不知所謂呀!!!

第三, 亞麻一直以黎, 一句說話都無講過話要派餅俾佢d朋友, 佢有咁o既要求的話, 我一定俾餅咭佢派, 最慘係佢根本由始至終都無講過話要派餅俾人, 仲要反過來同人地講話我無俾餅佢派?!

咩道理呀?! 就算我無錢, 我點死都死d餅咭返黎俾佢派啦~~~~~ 有無搞錯~~~~~~~~~~~~~ 好彩張先生不在現場, 俾佢聽到, 有多難受~~

呢個又煩, 個個又煩, 再係咁, 乜鬼都唔好搞啦~~ 全部取消啦~~~ 所有親戚都唔好黎飲啦~~~

陪媽咪逛咗陣, 就由屯門返上水, 再由上水返屯門, 目的就為咗拎個張帖同埋個10張餅咭俾亞麻~~ 費事佢又講呢講路, 攞黎煩呀~~~~~

 : 攞d咩黎呀?!

張師奶: 頭先飲茶你走咗之後, 個個都俾爸爸鬧呀! 佢不知幾惡呀! 佢叫我拎張帖同餅咭過黎, 張帖你同我俾嬸嬸, 個d餅咭你攞去派俾人啦~~

 : 我咩都無講過喎~~~~~

 : ............... (心諗: 咩都無講過就唔會發生今日o既事, 爸爸就唔會黑面鬧人啦~~)

 : 我唔駛咁多餅咭, 兩張就夠, 無咁多黎派, 派俾人, 人地又要俾利是.......

 : 你攞晒去啦~~~ (心諗: 無咁多人派就無謂講咁多嘢啦~~~ 唉..........)

辦完要辦o既事就速速返回娘家坐坐~~~

心情極差劣o既我, 都同媽咪講今晚唔係屋企食飯, 返上水, 費事見到爸爸黑口黑面, 免得佢又黑口我黑面, 大家坐埋一枱呀!!!  我要煮飯減下壓呀~~ 媽咪仲問返我轉頭: 煮飯可以減壓o既咩?!

今日條氣真係非常之不順呀~~~~~~~~ 心情好差劣~~~~~~~~~~~~~ 

都唔知點解?! 越唔知頭唔知路個d就諸多 "ge 吉" , 諸多要求, 搞呢搞路, 驚死你唔會煩死咁, 再俾多d煩惱你! 越近大日子, d搞呢搞路o既人標晒出黎~~~

   ...... 再係咁, 我遲早會痴線~~~~~~~ 就係俾呢d"諸多事實"o既人搞到痴咗呀! 希望呢十零日唔好再走d呢d無謂人出黎啦~~~ 俾我平平安安咁度過啦~~~~~~