21 Nov 2006
這晚, 我地完成咗佈置油畫嘅工作, 今次無上次咁靚, 簡單咗好多~~~ (其實我仍然唔開心!!!)
之但係, 唉................ 
麻煩事又發生........................
張老伯告訴張先生, 張老太唔出席我地o既婚宴 
真在太令人驚訝嘅消息~~~
張先生聯絡張老太, 點知...... 佢提完d花就吸咗張先生線..................
於是, 諗住搵亞哥幫手勸下張老太, 點知................. 兩兄弟講到扯晒火, 我同張先生一齊咁耐, 未見過佢發咁大脾氣架~~~~~~ 咁惡同人講嘢架~~~~~~~ 
搞到佢發得火嘅, 真係令到佢超級嬲呀~~~
最後亞嫂出馬, 了解咗成件事, 原來係一場誤會, 就係因為兩老嘈交野的禍~~~ 唉........ 佢兩老嘈交, 無啦啦燒到我地個叠, 真係嚴我地得閒得濟無嘢煩咩~~~~~~~
其實, 都唔明點解 
結婚我地係主角, 點解唔可以係自己個婚禮入面, 做自己鍾意做嘅嘢?! 大佬呀, 一生人一次架咋~~ 我地又唔係做d "違規" 嘅嘢! 點解要俾咁多制爪爪住我地?!
麻煩生事者, 全部用以前嘅思想套返係呢個年代, 呢個話以前親兄弟要派帖, 跟本就唔駛, 完全係佢想點就要你d人點做, 搞到呢個黑面個個唔開心!
好似花花佈置, 係呢個年代, 有邊個嘅婚禮會無呢d佈置?! 點解d人唔開通d, 點解d人唔順下我地意?! 講真, 佢地想點我地都已盡力順從佢地啦~~ 仲想我地點?!
點解要我放棄自己想做嘅嘢黎迎合佢地?! 連張先生都提議咩佈置都唔好整啦, 買咗就算~~ 點解?! 點解連張先生都要就返佢地?! 我唔甘心囉~~ 之前嘅都俾人掉晒, 都已經就晒啦~~ 仲想我點?! 個婚禮一生人一次架咋~~ 係屬於我同張先生架?! 
婚禮除咗係雙方兩老高興嘅事, 但最主要係我同張先生嘅回憶, 我地都只不過想搞得好好睇睇, 想大家到飲得開心, 食得高興遮~~
搞個婚禮, 除咗想有個美好回憶, 都想張家兩老開心高興下, 因為張先生d亞哥全部都無擺酒嘅~~ 想兩老試下個種咁多人戥我地高興嘅感覺, 點知....... 唉.............. 家陣咪 "拉嘢" 啦~~ 
如果有得返轉頭, 又早知個咋生事者咁煩, 我寧願唔要呢d咁不快嘅回憶, 兩個人去個漫長honeymoon仲好~~ 唔影響到人之餘, 又唔駛洗咁多錢, 唔駛違反自己意願咁去搞自己嘅婚禮 
Don't be regret for every effort you've put on your wedding...... you'll find every single details good for your life long memory. Don't concentrate on those unhappy people/things, they're not part of your sweet memory indeed. You'll surely find your effort and hardwork rewardable and of course, they belongs to Mr Cheung and you ONLY!!! Be a happy & pretty BRIDE......
回覆刪除唔好唔開心啦~ 而家問題解決0左咪得囉~ 老人家成日口事心非~ 張老太一定會出席既....佢都係個主角嘛~~
回覆刪除露絲, I must be a happy & pretty BRIDE~~ Thanks ~~
回覆刪除LaLa, 佢同咗亞嫂講會出席囉~~~ Anyway, 出席與否我都唔理佢咁多囉~~ 最緊要做好自己!!
回覆刪除開心d...
回覆刪除鬼妹, 我會架啦~~ haha...
回覆刪除的確好多時搞結婚,由其係擺酒,唔多唔少都會係要就老人家.... 當然如果老人家唔插手一 d 唔係好關親戚事既野就最好喇,但係有時真係好難講 有人搞結婚會同老公/老婆鬧交,有人係同阿爸阿媽有唔開心既事, 所以小肥覺得,搞結婚呢個過程其實係好似一個考試咁, PASS 左就真係代表你大個仔大個女,可以解決問題,有自己既家庭喇~ 努力呀!
回覆刪除我都覺得搞結婚似考試, 遇到d難題, 就要諗下點解決~~ haha...... 好彩我同張先生一直以黎都無為婚事而嘈交咋, 如果唔係, 仲煩呀~~~
回覆刪除唔好唔開心啦~
回覆刪除過去咗, 依家無唔開心lu~~~
回覆刪除