大家放心, 嫁錯郎個個唔係我, 係我嘅好朋友兩B媽媽!!! 所以我唔係好安心呢~~ 
(無記錯的話)兩B媽媽二十歲時, 因為有咗BB, 所以咋咋臨, 好草率, 咁就同兩B爸爸結婚, 其實都唔知係兩B爸爸特登, 或是真係意外~~ 
(
之後同兩BB媽媽傾開, 點解會咁唔小心, 原來兩B爸爸係唔鍾意做足安全措施, 佢實在太自私, 太唔應該啦~~)
個次成班friend都係第一次做姊妹, 果時大家啱啱讀完書, 都唔知姊妹應該做d咩, 所以果次基本上都只係係接新娘時玩game有嘢做, 係酒樓都無嘢好做! 
之前未見過兩B爸爸, 佢結婚果日就係第一次見面, 第一眼嘅印象真係麻麻~~ 無乜好感, 成個飛仔咁(當然唔係後生個隻啦~~) 再睇埋個班兄弟, 真係好似成班出黎行個種
, no good feeling lei... 
個陣時都已經諗: 點解兩B媽媽個老公咁嘅?! 呢個人靠唔靠得住架?! 
Anyway, 個陣時聽兩B媽媽講, 兩BB爸爸對佢都幾好~~
做朋友嘅, 聽到佢咁講, 都安心d~~~ 都希望兩B爸爸真係會待佢不薄~~ 會俾到
佢到BB啦~~
點知......... 
尋日除咗去買條豬二醒珍珠頸鏈俾媽咪之外, 另一目的係去買d小禮物送俾姊妹!!!
其實一早已決定買d小禮物俾姊妹留念, 雖然唔知對佢地黎講有無紀念價值, 開門利是一定唔會好多, 而我又唔會準備d小禮物送俾賓客, 因為貴嘅又買唔起, 買到個d小禮物, d賓客又未必鍾意, 返到屋企多數都放埋一二邊(因為我都會係咁)~~ 
況且, 有無禮物媽咪話都要俾回禮利是, 既然如此, 同埋送d唔等洗嘅嘢又無乜意義, 還是慳返d錢, 唔買小禮物!!! hehe...... 
所以咪決定買份小小嘅禮物仔, 送俾班姊妹, 希望佢地會鍾意啦~~ haha...... 
本來想post d禮物出黎俾大家睇下, 但係都係保持神秘, 因為有姊妹會睇我個blog呢~~ hoho...... 唔可以咁快俾佢地知係咩黎嘅~~~~~~ 
尋日買完龍鳳被, 返咗屋企放底d嘢之後, 兩點幾時與張先生上咗深圳, 主要係拎張老太件衫上去改濶佢, 同埋順便拎埋張老伯件西裝, 睇下後面改唔改到長d~~
記得拎個兩件衫, 但上到火車, 先至記得, 唔記得咗拎張單... 
都上咗火車, 向羅湖進發緊, 無理由又返屋企囉架~~ 個老闆娘實記得我地嘅~~ 因為我地係咁叫佢平d平d, hehe...... 於是, 就上去駁一駁, haha......
上到去第一時間拎件衫去改, 好彩個老闆娘認得我地, haha......
又好彩, 個老闆娘話張老太件衫有得改濶, 放晒d習就得... 
張老伯件西裝都有得改, 實在太好啦......
改衫都好快, 夜晚就有得拎, 張老太件衫改濶咗成兩寸, 怕且點肥都唔會窄啦掛~~ 希望佢唔好再係度嚴三嚴四, 嘈呢嘈路啦~~
我地等改衫期間, 去咗東門逛街, 幫媽咪買咗條珍珠頸鏈, 係一間$2店度見到有條珍珠頸鏈, 但就簡簡單單咁一條, 無特別個d, 但係就好超值. 但張先生話再行下先再作決定.
跟住再係東門度左逛右逛, 搵到條幾好睇嘅珍珠鏈, 非常超值, 個sales姐姐開價$30, 張先生好叻, 同個sales姐姐爭持一輪, 講到$15 成交, hoho......
呢條就係$15蚊超值珍珠鏈啦~~ 大家睇下, 我搵咗個model影咗張相添呀~~ hehe...... (大家估下佢係邊個? 當然唔係我啦, 我係攝影師呢~~ hoho... 
)
行下行下, 竟然俾我眼尾"sour"到有對係燈光之下好閃嘅粉紅色耳環, 唔知襯唔襯到我個件粉紅色晩裝呢?
於是大拿拿用咗$15蚊買咗呢對耳環啦~~ (個sales姐姐死都唔肯減價, 實在太過份~~ 
)
無耐張先生鍾意呢對耳環, 所以係唔減價之下, 買咗呢對耳環啦~~
尋日, 同張先生一齊出咗旺角買龍鳳被! 我地約咗靚靚Candy一齊去買呢~~ 靚靚Candy係係esd新婚網度識, 佢又係12月1日結婚呢~~ 平日傾計都傾得多, 今次係第一次見呢~~ haha...... http://www.a-fontane.com.hk/tc/products_details.php?design_id=88&catalog_id=1&series_id=6)
原來係雅芳婷買結婚床上用品系列, 有贈品(一對心心咕o臣&利是封)送之餘, 仲有得免費係枕袋度繡埋一對新人嘅名同埋結婚日期, 好正呀~~ 所以套龍鳳被都未攞, 要等兩星期先有得攞呢~~~
幸得靚靚Candy同埋佢朋友May幫忙, 先買到平靚正嘅雅芳婷龍鳳被呢~~
床笠連枕袋再加被袋都係一千一百幾蚊(八折再八折, 仲要係五尺床size), 之前係吉吉島睇過, 一套買折咗都要成一千六百幾蚊(四尺床size), 所以平咗好多好多呢~~~ 好開心呀~~ 
真係唔該晒靚靚Candy同埋你嘅朋友May添呀~~
無你地我都買唔到咁第買嘅龍鳳被呢~~ 
今日係過大禮o既大日子, 淨係叫咗亞麻同亞婆過黎屋企. 尋晚媽咪話駛唔駛叫埋姑姑黎, 我話費事煩, 成村人係度嘈呢嘈路, 已經幾十樣嘢要煩, 佢地黎到又嘈, 煩上加煩, 再加上Pizza妹妹見咁多人係度實嘈嘈閉, 所以都係唔好叫咁多人黎~~ 
原來過大禮準新娘係唔可以留係家中, 個日亦唔可以見到準新郎, 如果新郎無攞嘢過黎, 淨係d兄弟攞黎o既話, 準新娘就可以係屋企~~ 媽咪問過朋友, 佢都話係~~ 
結果, 係張先生上到我屋企之前, 我就要離開屋企, 落樓下食碗麵, 直至張先生離開我屋企之後, 我先可以回家呢~~~~~
食麵期間, 成日心思思想裝下張先生, 睇下會唔會見到佢(食麵位置係有機會見到佢呢~~ ) 越係唔見得就越想望下, hehe...... 既然知道有咁o既規條, 為有乖乖服從吧~~~
因為媽咪好隨和, 又係怕麻煩o既人, 唔駛要乜要物, 所以乜都利是代替, 唔駛煩, haha......
所以張先生今日攞咗兩籃過大禮o既套裝(兩對椰子、茶葉、龍鳳燭、對聯、檳榔、八涼果、扁柏)、兩盒糖餅、兩盒龍鳳餅、兩籃生果、禮金、牲口金、包羅萬有金、舅仔褲金同埋姨仔裙金! 跟住佢又拎返一半返屋企!
今日總算順利渡過, 又搞掂一樣~~ 
可以派帖俾人啦~~ haha...... 
睇落去好似唔多啦加, 經翠詩小姐解釋 "接新娘麻", haha...... 