30 Nov 2006
聽日就係大日子啦~~ 好多人問我心情如何?! 無緊張, 平常心! 可能因為一切已準備好, 都比較安心啦~~ 
今朝一早起床, 跟住同張先生、二嫂同埋幾個姪仔去食嘢 然後送佢地返學, 跟住就同二嫂一齊返張先生屋企安床~~ 真係唔該晒二嫂呢~~~~~~~ 
呢個就係要放係床上面o既椰子啦~~
安好床, 貼過對聯後, 我同張先生第一站去VL拎衫, 跟住出旺角美華拎褂, 跟住去金都拎新郎禮服、伴娘裙同埋頭飾頸鏈!
跟住就返張先生屋企拎嘢同埋頭花, 然後就返娘家! 放好d嘢之後, 就去咗巿中心拎西餅, 因為已經6點幾o既關係, d西餅已無乜選擇~~~ 
頭花 
返到屋企, 食飽飽, 繼續執拾明天要帶去酒樓嘅東西, 點算一切! 十點幾就用碌柚葉沖涼, 等12點鐘上頭! 媽咪搵咗佢由細識到大嘅姊妹幫我梳頭呢~~ 真係辛苦晒呢位auntie呀~~~ 
真係好眼瞓~~ 好不容易先等到12點, 上完頭就咋咋臨瞓覺~~ 
呢對就係聽朝一早着o既繡花鞋
29 Nov 2006
今日都幾忙, 朝早正常返工, 下晝放假, 同張先生、細妹去咗VL試衫, 件粉紅色晚裝可能緊得濟, 個兩嚿"鬼鼠肉"依然咁bit晒出黎, 好肉酸! 其餘個d就無bit得咁勁, 唯獨是用黎迎賓o既粉紅晚裝咁肉酸! =.=""" 於是jojo幫我放咗半寸左右, 咁就好好多啦~~
試完衫, 未拎得走住, 要聽日先拎得呢~~ 之後就去咗金都, 拎張先生兩件恤衫, 佢個兩套禮服要聽日3點先有得拎呢~~~
跟住就係金都逛咗一陣, 去咗化妝個度睇頭飾頸鏈! 我同張先生都睇中咗一頂好靚、有毛毛o既頭飾! 仲有條大羽毛架~~~ 真係好型好靚! 不過, 借呢個頭飾要加300蚊先得呢~~ 仲要好小心保管, 整爛咗就大濟啦!
我地實在太鍾意啦~~ 張先生運用佢o既講價口才, 由300蚊講到200蚊成交! haha.............. 
本來打算返張先生屋企安床, 點知媽咪話要搵過有仔有女o既安先得............ 結果, 咪要搵張先生個二嫂聽朝幫我地手安床!!!
媽咪又話聽晚上頭要12點之後先可以上, 同埋又唔可以自己媽咪上, 上頭個人要係有仔女有父母............. 結果, 媽咪搵咗佢由細識到大o既姊妹幫我上頭! 突然之間, 媽咪問人咗好多嘢~~ 我諗媽咪緊張過我呢.... haha...................
夜晚我就回家食飯, 張先生就同咗佢d兄弟去消遣!!!
收到Sandy姨o既來電, 佢話結婚啦~~ 大個女架啦~~ 突然之間, 感覺有d感動! 真係大個啦~~~ 做人老婆, 有自己個家啦~~~~~ 
夜晚睇電視時, 播李克勤同埋盧淑儀o既婚禮, 個佈置真係好靚, 盧淑儀都好靚~~ 一對情侶, 拍拖13年, 終於有情人終成卷屬, 眾多朋友o既祝福, 真係好感動呢~~~
28 Nov 2006
終於揀好d歌仔啦~~~ 真係好不容易呢~~~~~~~~~~~~~ 
Lunch時間與Kit Kit食飽飽, 去咗火車站拎餅, 請同事食~~ 一共拎咗六盒, 搞到個雪櫃清晒咁濟, 好犀利呀~~ haha...... 都未試過一次過拎咁多盒餅呀~~
真係唔該晒Kit Kit嘅幫忙呀!!! 辛苦晒啦~~ haha......
好多同事祝賀我, 有點兒不習慣呢~~ haha........
最待別就係有一位同事(上司級), 恭喜完我之後, 就問: 咁遲先通知嘅?! 結咗還是未結?! 跟住又問咗一個非常尷尬嘅問題: 收到我地d禮未呀?! 
我諗佢誤會咗~~ 因為呢輪公司都有3位同事結婚(計埋我)! 
放工同張先生去咗酒樓度試碟, 一切順利無阻濟, 實在太好啦~~
26 Nov 2006
朝早同屋企人去飲茶, 亞麻一黎到又講一埋嘢, 又話見到樓下婚紗鋪門口件晚裝好靚, 又話見到人地部新娘車個公仔好靚, 又話見到個紅噹噹個花放係車頭又好靚, 叫我要買個靚d, 唔好慳呢d錢, 又話人地有成五部花車........................ 
飲完茶, 同咗媽咪細妹一齊去剪髮, 我只係修下個髮尾, 剪咗等於無剪, haha......
跟住返咗屋企執定d嘢到個日拎去酒樓! 就咁執, 又好似無咩要帶去酒樓咁喎~~ 
打電話book酒店, 點知....... full晒~~ 又會咁誇張嘅~~ 之前打去幫表叔問book房價錢時(嘩... 成千七蚊一晚好金呀), 個服務員姐姐又話要thro' 美心book, 問佢hold定間房先得唔得, 又話要thro'美心 =.=""""
家陣book又話兩個月前已full晒! 唉........... 真係俾個服務員姐姐玩死!!! 乜家陣d人咁富貴嘅, 千七蚊一晚嘅酒店咁都full晒!!! 個晚為有call的士返歸啦~~
之後就整埋個車頭大蝴蝶, 睇落去好易, 但個塊網都幾難控制!!!
用咗兩位 "公仔家族" 成員黎度位, hehe...... 
包埋姊妹份小禮物, 點解會少咗一份?! 因為細妹個份已經俾咗佢呢~~~
25 Nov 2006
今日放工去咗做facial, 跟住去咗旺角四圍hea, 順便去買 "金鋼腰帶" (束腰帶), 着個一次就無謂買咁貴, 越平越好, 走咗去先施閑逛, 又俾搵到百零蚊一條o既 "金鋼腰帶", haha.................. 
買完嘢, 真係無所事事四圍行, 好攰呢~~ 好不容易先捱到七點, 等張先生放工跟住同佢d朋友食晚飯呢~~
唔知係咪太耐無買過嘢啦~~ 尋晚去咗買波鞋俾張先生, 仲買咗個袋俾自己, 今日又去買嘢, "潦"起咗條購物癮, 好多嘢都想買, 無耐無錢呢~~~ 唉..........
都好耐無試過暢暢快快咁去購物啦~~~~~~~~~~~~~~~~~~~~~~~~ 
尋晚, 與張先生去咗大埔同佢o既一位中學同學食飯, 佢同女友將係出年二月一日結婚呢~~~~~ 咁啱佢地d結婚相啱啱送到佢屋企, 所以我地食飽飽上咗佢屋企睇相呢~~
嘩....................... 好靚呀~~ 真係一分錢一分貨o既~~ 佢地本相簿又靚, 電腦製作又好, 有幾版做到好似閃咭咁, 真係好靚呀~~~~~~ 
我見到好鍾意呢~~ (隔離飯香呀~~)
張先生都讚靚呀~~ 不過佢已先下手為強, 話唔會係香港影 
要影的話會揀去四川影喎~~
呢位中學同學用咗三萬幾蚊黎影呢輯相 (有百零張相) ...... 好貴呀~~~
我同張先生影咗兩輯, 有140張相, 都只不過係七千蚊咋, 真係蚊比同牛比呀~~~不過貴都有少少道理, 製作同包裝都靚d啦~~~ 一分錢一分貨呀~~~~~
尋晚, 張先生一位好朋友嘅老婆打電俾我呢~~~
因為佢老公同朋友返咗大陸玩, 原先話九點返到, 點知好夜都未返(當時都十一點幾), 打電俾佢又無人聽, 所以好擔心佢老公 
於是就叫我問張先生攞個個朋友嘅電話!!!
當然, 男人都好醒嘅! 張先生打咗個電俾個個朋友, 但以佢估計 佢兩個飲醉酒多吧~~~ 所以佢個好朋友咪無聽到佢老婆打電俾佢囉~~
作為太太嘅, 老公話幾點會返, 結果遲遲都未返, 仲要電話無人接聽, 真係叫人好擔心呢~~ 
但男人就唔覺得一回事 
又唔係唔返, 只不過玩耐d, 只會覺得個女人係度 "e e 哦哦" , 覺得個女人好煩, 管住晒~~ 唉............. 其實個女人都只不過係擔心個男人遮~~
做女人嘅....
第一就唔想個男人飲咁多酒, 傷到自己身體麻~~
第二就算點相信自己個男人嘅本性係唔會出去搞女人, 但難保酒後出事架喎~~ 又難保其他女人黐埋身架喎~~ 就算無出事, "埃埃笨笨" 都會唔鍾意啦! 
(男人同女人嘅分別, 就係女人會諗到好多嘢~~)
若掉返轉, 有個男人"埃埃笨笨" 自己個女人, 都會唔鍾意啦~~ 分分鐘個唔鍾意程度 
遠遠超越女人嘅唔鍾意呢~~
同埋, 講真丫, 有幾多個男人會 "來者必拒" 丫~~ 
同呢位亞嫂傾到差唔多12點幾, 突然覺得自己其實好幸福~~ 
起碼張先生唔會成日對住我發脾氣, 只有我發脾氣就無佢發, 佢都實在非常容忍我呢~~
佢肯聽我講嘢, 無論講咩都好, 佢都好願意去聽! 如果佢做錯, 佢都會認錯(雖然唔會氹返我)!就算大家嘈完, 佢都肯聽我嘅感受, 佢都會分析、接受、講道理~~~ 尋晚我都有咁同佢講呢(所以成點先瞓~~~) haha.... 
兩個人係埋一齊, 最緊要互相尊重、千就、體諒、溝通, 缺少是旦一樣都唔好呢~~
佢地結婚都未夠一年, 希望佢地兩公婆和和氣氣, 好好咁溝通溝通一下啦~~ 希望個男人定性d, 唔好淨係掛住玩, 同埋付出d時間, 聽下女人嘅感受!!! 維繫呢斷婚姻啦~~~
多謝你呀~~ Joann!!!