尋晚, 發咗個"極惡"嘅惡夢, 個夢係發生係結婚當日..........
開頭係好開心嘅, 自己着咗套褂, 一大班朋友黎到屋企樓下, 攝影師哥哥叫我地大合照, 跟住張先生係度派利是俾兄弟姊妹, 最有趣係夢見中學時期嘅同學都有到, 仲話唔駛俾利是, 跟住鏡頭一轉, 係屋企, 個化妝個度嘅sales姐姐打電俾我, 話化妝師姐姐黎唔到 =.=, 因為原來佢有booking, 一聽之後, 簡直係晴天霹靂, 個時我就向佢破口大罵, 真係好嬲, 係咁問"咁我點算", "我要向消委會complain你地", 心又諗"死啦, 出面咁多朋友黎咗, 但又未化妝, 又未set頭, 點算......", 鏡頭一閃, ling出現, 跟住就扎醒, 然後電話鬧鐘就響......點知按停電話響鬧時, 連電話都"高空墮下", 好彩無跌爛!!!
唉...點解會發d咁嘅夢架, 真係驚嚇呀~~ 就好似想當年考試前, 例必發夢唔記得帶筆盒, 一係唔記得帶準考證!!! 希望到時唔會發生啦!!!
你唔好比咁大壓力自己啦,唔好緊張. 放鬆心情. 如果唔係,好易爆豆豆,個樣唔靚架.
回覆刪除其實我到依家都無乜俾壓力自己, 只係間係間唔中會諗下: 雖然book咗酒樓, 化妝, 攝影, 但到個日會唔會話俾人book咗, 又或者佢地無黎, 不過都係間唔中諗下遮, haha......可能潛意識發出黎掛?! 硬係覺得好無安全感, 因為落訂個日同結婚個日事隔太遠了(差不多隔成千咁濟~~~~) haha......
回覆刪除