雞蛋

買雞蛋時, 點樣先知隻蛋新鮮唔新鮮呢?

 

買雞蛋要揀個d外殼較粗糙, 攞上手重身, 咁就表示蛋入面嘅水份無失去. 大家有無發覺雜貨鋪買會有盞燈, 買蛋時d人點解會攞隻蛋係燈下照呢? 原來係用黎睇下隻蛋新唔新鮮架, 在燈光下, 我地可以睇到蛋入面有無斑點, 如果無就代表個隻蛋係新鮮嘅蛋!!!

(圖片摘錄自蘋果日報)

烚雞蛋唔好用水喉水冷卻?

相信媽媽都會烚雞蛋俾仔女食, 當烚好咗雞蛋, 因為熱嘅時候, d蛋殼係好難剝, d媽媽為咗可以快d剝到殼, 就會用水喉水沖或浸住佢待涼! 但係, 原來呢個做法, 係會讓細菌有機會入侵蛋內架!!!

因為係冷卻嘅過程, 蛋白與殼膜之間會形成一個空隙, 水喉水嘅細菌便有機可乘, 進入蛋內, 我地如果食咗被細菌入侵嘅蛋, 就會好容易生病架啦~~

但係點樣先可以令到蛋殼容易剝到呢? 咁就要係煮蛋時, 加少少鹽係水入面, 咁樣蛋熟咗便可以好容易就剝到殼架啦!!!