擔心

今日接到一位好朋友(朋友K)o既來電, 她告訴我一位好朋友(我倆都識, 簡稱朋友L)發生點事(另一位好朋友--朋友R告訴她), 但她找不到朋友L, 打電俾佢又無人聽, 只係留言信箱, 記得一個多月前朋友L告訴我地佢去西班牙旅行, 但去咗成個幾月都未返, 朋友們又搵唔到佢, 還以為佢未返HK(因為朋友L係有錢人, 所以佢去成個月旅行都不足為奇), 但估唔到, 原來佢屋企發生咗d事(婆媳關係).

朋友L已經做咗人家o既奶奶, 已有一名孫女, 朋友L勁鍚粒孫, 佢對媳婦亦好好, 媳婦話請工人就即刻請, 話要裝修間屋就即刻裝修, 話換Benz就換Benz, 永無say no, 但媳婦實在太不知足啦, 個仔(圍村人兼大仔)又大男人, 兩公婆都想趕佢亞媽(即朋友L)離開間祖屋(間屋係朋友L臨離開呢個世界前留俾佢), 個仔仲要對佢講間祖屋係佢o既, 這實在太太太過份了~~~

 

邊有咁乞人憎o既人架, 要搬都係佢兩公婆帶埋個女搬啦, 佢地本身又唔係無錢, 係附近買間屋, 對佢地黎講濕濕碎啦! 要間祖屋咪等朋友L百年歸老先攞返都唔遲啦, 間屋又唔會走咗去o既~~ 況且朋友L身體亦不太好, 佢地仲要咁對佢, 實在太太太....衰啦~~~

 個媳婦貪錢, 已經係衰, 點知連個仔都唔幫下自己個亞媽, 個亞媽養到佢咁大, 自己亞媽為人係點無理由唔清楚遮!!! 個仔企係老婆個邊係正常o既, 但都唔應該搞成咁架麻~~~~~~

朋友R同朋友K講, 朋友L已寫埋遺言, 朋友R因為身處外地, 想幫都幫唔到, 故同朋友K講此事, 希望朋友K搵朋友L傾下計, 好讓佢唔好亂諗嘢, 但點知沒人搵到佢, 最衰朋友L成日將自己o既唔開心收埋收埋(因為佢唔想同我地講咗之後令到我地替佢擔心, 唔開心呢~~ 佢為人就係咁)唔肯同人傾訴, 同朋友傾, 好過自己屈埋屈埋讚牛角尖丫~~~~ 唉......我地真係好擔心佢呢 (希望佢會覆返朋友K啦) ~~~~

真係一講到錢, 咩~~情都無得傾, 變得無情 (人性就是這麼可怕?!) 錢雖然真係好重要, 但錢買唔到幸福, 買唔到親情, 買唔到快樂, 買唔到時光倒流, 補償唔到過失, ..............