身在印度o既囡囡

早幾日收到宣明會寄來o既信件, 佢地終於寄來身在遠方亞囡張近照俾我地睇, 因為都事隔成兩年耐都未收過佢地寄來o既信件, 我同張先生仲係度諗: 會唔會係大地震時遭遇不測??? 我層聯絡過香港宣明會查詢, 但一直未有收到回覆, 擔心不已呢~~ 直至收到這封信件同近照才得以安心呢~~

這個就係初初助養時收到o既資料, 初初我地都以為係一個印度小男孩, 當時佢只得3歲,

點知, 當佢5歲時, 我地收到呢張相, 真係搞到我地一頭霧水, 究竟我地助養係一個小男孩, 還是一個小女孩呢?????? 我地將呢張相同上面張相, 對比咗好耐, 都一致認同個樣係相似, 但無理由將一個小男孩裝扮成一個小女孩架???

所以我地相信我地助養o既係一個小女孩, haha...

最近就係收到呢張相啦, 大個女囉, 依家7歲, 健康良好, 身高得45寸, 體重21公斤, 相對香港同年紀o既小朋友都算好輕磅囉~~ 佢o既興趣係鍾花, 透過主日學接受價值觀教育, 佢喜歡玩跳繩, 係04-05學年就讀小學一年級, 學習科目係英文, 音韻, 數學, 繪畫, 書寫和本士語文(即印度話), 最喜愛o既科目係英文 (good!!!), 層參與兒童天才表演, 兒童德育營和教育旅行.

希望佢健健康康, 快快樂樂咁成長!!! 雖然盡咗少少綿力, 希望真的能夠幫助佢同佢家人改善生活環境啦!!! 有接受教育o既機會啦!!!