今朝好黑仔~~

今朝搭巴士, 本想好好睡一覺, 點知......話說出到荔枝角個度個燈位, 唔知係咪個紅綠燈轉緊橙色, 個司機叔叔又想衝與唔衝之間, 係最後關頭, 佢決定唔衝, 結果, 係突然急刹車嘅環境下, 大部份乘客都向前衝, 慌忙搵嘢捉實, 因為我坐倒頭位嘅關係, 所以對我黎講都唔太大影響! (朝早坐巴士返工, 我都鍾意坐下層倒頭位, 因為要瞓覺, 就算遇到今早情況都唔會爬咗去人地度, haha...) 不過今朝呢個情況出現咗幾次, 搞到我無覺好瞓, 好辛苦呢~~~~

 落車前望下司機叔叔個樣, 原來係轉咗另一位司機叔叔 =.=

另外, 行天橋返公司期間, 都唔明d人行咁貼做乜, 行咁急做乜, 趕時間就早d出門啦, 有個好無品嘅男人竟然踩nut咗我隻鞋(今朝着Birkenstock拖鞋仔返工), 當時人流好多, 我企咗係度, 好驚俾人踢咗去第二度, 所以以最快嘅速度着返隻鞋 =.=, 跟住望到踩我個個男人兜路走

, "唔好意思"都無聲, 真係無品!!!

心情極差呀!!! 忍唔住打電告訴張先生, 條氣先順d!!!