飯聚

星期六與幾位由中學相識到依家嘅好姊妹食飯(沒想到阮某竟然會出席, 因為佢做銀行, 鬼咁忙, 次次約佢都話唔知要ot到幾點, 跟住就話唔黎), 去咗帝京酒店食buffet, 款式都算多, 但實在太多人了~~ 個度有d時段會有個廚師出黎教煮嘢食, d小朋友圍住晒係旁邊睇, 好似覺得好新奇咁! 我都希望第時有小朋友時, 可以係屋企同佢一齊煮下嘢食, 一定會好開心呢~~

Carmen帶咗七個月大嘅囡囡出黎飯聚, 佢好得意, 好鍾意笑, 食聚前係街度好巧合地還到佢倆母女, 跟住自己貪得意, 從咩帶度抱起bb, 佢好乖, 肯跟人, 抱住佢, 郁都唔郁, 個頭仔撲係我膊頭, 好似好嘆咁, 但我隻手就郁都唔敢郁, 好累呢~~~

bb媽咪真係好掂, 畢業出黎做野無耐就有咗bb哥哥, 未嫁之前係屋企乜都唔駛理, 乜都唔駛做, 嫁咗之後就一腳踢, 家務, 湊仔, 兼職, 好一個全能媽媽, 對仔女又細心, 佢話bb太細, 淨係可以飲奶, 含糖、鹽個d食物唔食得(飯都唔食得喎!!!). 我同Christal都好衰, 成日吉住d食物係bb面前樣黎樣去, 而佢就嘴"mark mark"好想食, 最搞笑係, 我坐係佢對面, 佢見我飲可樂, 佢又眼甘甘, 嘴"mark mark", 係度吞口水, 真係好搞笑, 好得意呢~~~~~~ 我返屋企問媽咪, 七個月大嘅bb係咪乜都唔食得, 媽咪話唔係, 可以食粥仔飯仔喎~~~~~~

bb真係大得好快, 個樣亦變得好快, 好似佢哥哥(張先生都咁認為), 但唔知點解都係咁少頭髮嘅, haha...

  啱啱出世幾日嘅bb

 七個月大嘅開心果bb