hihi: 好好好朋友分享一則經歷

昨日下午與好好好朋友同埋Grace去青衣食飯聊天, 都好耐無見過Grace啦, 真的好掛住她呢~~

好好好朋友向我地講佢依家個狀況, 講返之前o既經歷、體驗 (聽她的話, 自己亦感到心酸溜溜的, 感受到她所面對的、所經歷的), 她話剛剛的一次失敗, 真的感到好失望, 佢用盡方法希望爭取到多一次機會, 向細佬主診醫生求情, 他亦告訴她, 幾十年前無藥治療, d人真係等死, 到十幾年前, 開始有針藥治療, 根據數據顯示, 有患者係可以活到抱埋孫都有, 職業方面, 地盤、老師、醫生都有, 幾年後又有口服藥代替針藥治療(即現在), 再過幾年可能真係有方法治療到這個病, 所以都着她不要這麼執着自己咁大負任.

做母親o既, 當然希望用盡自己能力, 都能幫助自己o既小朋友, 好好好朋友係醫院度見到其他患病o既小朋友, 有一個bb出世腦入面就有個瘤, 一出世就要開刀動手術; 有一個小朋友, 同細佬一様, 患有重型地貧, 佢o既母親係內地來港人士, 沒有嘗試其他可治療o既方法, 坐以待斃, 個小朋友就由麻麻湊, 成日都話個細路係黎攞債, 好好好朋友就同那位麻麻講, 小朋友唔係黎囉債, 唔好咁諗, 佢地係黎帶歡樂俾你, 問個麻麻個孫係咪俾咗好多歡樂俾你(因為個孫好黐麻麻, 好鍚麻麻架), 個位麻麻都沒話可説; 另一個係個印度藉十多歲o既男仔, 亦係重型地貧患者, 但佢唔用藥, 係度等死, 因為佢屋企入面, 有一個家姐同一個細佬都係患有此病, 有個正常o既哥哥, 佢o既幹細胞與其細佬肳合(同佢同埋家姐都肳合), 其細佬做過手術後, 手術成功, 但十多日後, 無啦啦就走咗, 個男仔同埋佢家姐有見及此, 不願去試, 寧願等死. 真不明白, 遲早都會走, 點解唔博一博呢? 唔博就等於零, 博都仲有五五波丫~~~

另外又有個七歲小朋友, 佢小腦度生咗個瘤, 醫生告訴其母親, 因為小腦控制人活動範圍, 若做手術, 個小朋友很可能會長眠不醒, 那位母親很堅決要做這個手術, 係做手術前席, 連麻醉師都再問那位母親o既意決, 小朋友入手術室前席, 問佢媽媽: 我係咪會死呀? 那位母親真係好堅強, 沒流過一滴眼淚, 雖然不在現場, 聽到好好好朋友o既描述, 真係內心一酸~~