相識八年啦~~

一九九八年七月廿五日, 就係我同張先生相識嘅日子! 想當年係係Venus嘅生日BBQ認識張先生!

今日, 就係我同張先生相識咗...(數數手指)...8年! 8年嘅青春就咁就俾咗張先生......

其實今日我都不以為然, 話說早排張先生買咗個新電話, 我就攞咗黎禁, 心血來潮, 咪入晒d乜乜週年記念日係佢電話入面個日曆度囉, 等到個日時, 佢個電話就會係某個時間響, 提佢麻~~~ hoho.....佢係唔知我係佢電話度做咗d咁嘅野, 直至今日......張先生十二點零鐘打電黎, 第一句就話: 相識8週年快樂!

我聽咗就呆一呆, 無啦啦做乜咁講嘢, 

 哦......我淨係記得今日Venus生日, 唔記得咗相識8週年呢件事(仲有唔記得入咗去佢電話度) ~~ =.=""""""""

我仲同張先生講: 哦...你又會記得嘅! 張先生就話: 你古古惑惑, 係我電話度入咗! haha......我自己都唔記得咗添~~ hehe......

嘅然係相識8週年, 今晚會點慶祝???

 答案係..........無嘅!!! 因為聽日同張先生去布吉遊玩, 要返屋企執行李呢~~~~~ haha......