全職師奶仔生涯第一天

12.12.2008

今朝B仔同B仔媽瞓到成11點幾, 當然晨中七點幾起身食咗支奶, hea咗成個鐘至捨得瞓返, 睇下瞓到佢個豬樣~~

嘩............ 又瞓到d頭髮亂晒

瞓醒就帶B仔去睇王大夫, 係王大夫度遇到三伯娘係度針灸呢, 之後一齊去咗三伯娘屋企坐下, 坐一坐又成粒幾鐘, 原來三伯娘都唔like嫲嫲架, hehe.........

B仔媽跟住趕住去萬寧藥房買藥膏, 去街巿買餸煲粥仔同買相機, 跟住就速速要返屋企, B仔肚餓啦~~

食飽飽, 白白豬完就開Jean姐姐送既Thomas玩具俾B仔玩, B仔一見到眼睛發光呀!

陳醫生就係叫我買呢支藥膏俾B仔搽啦~~ 嘩! 原來成二百幾蚊一支, 唔怪得公司Clinic無啦~

包裝背面圖片, 係咪真係咁勁呀!

呢支奶就係溝咗中醫既奶奶啦~~ 好似奶茶味架, 味道都唔差架, haha......

總結: 好忙, 自己無啖好食, 去街趕住返屋企整嘢俾B仔食, 無時間去買嘢俾自己食, 結果是日晚餐得菜心煎蛋麵一碗, 非常之齋呢!