唉................

28.11.2008

放工返婆婆度食飯兼接B仔, 發現之前俾Pizza爪傷嘅位置, 凸起咗粒肉, 婆婆話今日至起嘅, 禁落去佢又唔痛喎, 究竟係咩黎嘅呢?!

一入門口就見B仔俾婆婆放咗係床仔度睇電視(婆婆整餸中), 睇到金睛火眼呢~~

我地食飯, B仔就係度扭眼瞓 =.=""

天氣凍, 食飽飽就速速返屋企lu~~

今日無所事事, 終於的起心肝整零至一歲個相架! 有兩個, 只整咗一個, 呢個諗住送俾婆婆做生日禮物呢~~ 自己個個仲未的起心肝整添! hehe......

 

29.11.2008

本來約咗大姨媽一齊去Ocean Park玩, 但同B仔爸商量後, 都係帶B仔去睇一睇醫生好d~~ 於是瞓醒就帶B仔去見陳醫生!

唉... 陳醫生話個粒應該係肉牙, 應該係傷口復原時d肉增生所致, 唉... 陳醫生話有機會再大粒d, 因為入面個傷口未完全好返晒, 仲有d紅, 唉... 同埋粒肉牙係唔會自動消, 若要消除粒肉牙, 就要搵整形醫生做手術切咗佢, 唉... 貼退疤貼又話無乜效用, 因為個肉牙位置低下無骨承托, 無壓力所以效用唔大, 唉... 現在唯有等醫生搵下邊隻藥膏搽, 希望會細返d, 唉.......................... 以為好返無事, 點知又搞粒嘢走出黎!

睇完陳醫生就返屋企, 夜晚去咗B仔爸同事屋企BBQ, 好多小朋友呢~~ B仔亦好開心, 因為一大撻地俾佢行黎行去, 又去推玩具車仔, 睇小朋友打羽毛球笑到卡卡聲, Haha...... 睇見佢笑得咁開心, d唔開心都暫時走埋一邊先! 不過B仔媽就辛苦囉, BBQ支叉未掂過, 嘢食都只係食得好好好少, 因為要貼身睇住B仔, 但期間B仔都仆咗一次落地, 額頭瘀咗少少, 喊到拆天 =.=""""""

玩到成11點幾至返到屋企, B仔一上車就瞓到豬的一樣! 返到屋企都仲瞓緊, 所以今日全日都無沖過涼就瞓覺, 只係抺下身, 換件衫褲咋~~