14.12.2008
Thank you哈哈媽搞咗個好成功既x'mas party俾BB們一齊玩! 好開心的一天呀!
今日一會, 學哈哈媽話齋, 個個變大晒, 個個走黎走去, 好得意呀!
去到大家都食嘢先, 費事B仔嘈, 俾咗部車仔佢玩, 點知哈哈見到又想玩, B仔媽俾車車哈哈玩, B仔就發爛咋, 哈哈爸俾返部車仔B仔, 就到哈哈發爛咋, haha... 下次B仔媽要拎多部車仔借俾哈哈一齊玩至得!
今次仲安排咗tutor黎同BB玩呢~~
個姐姐同哥哥係度準備遊戲道具時, 哈哈、曉妤同B仔係最八掛最多事個三個BB, 走去睇佢地泵波...... 好似好心急咁!
哈哈可能見等咁耐都未泵完, 走咗去第二度玩, 淨底曉妤同B仔係度等, 睇佢地等得幾聚精會神, Hehe... 曉妤, 你真係好靚女呀!
個波終於泵好咗啦, 睇下B仔玩得幾咁瘋狂...
之但係當個波俾其他BB禁住咗郁唔到時, B仔就瞓晒地咁發爛咋, 要個波郁返即刻變面笑返晒 =.="""""
遊戲開始啦, 第一個遊戲係大家圍圈, 一人一個樂器玩具, 一邊搖一邊唱歌仔, B仔當然唔合作, 閃咗去!
第二個遊戲就係個個拉住塊布邊搖, B仔又係唔合作, 要踩上塊布上面, 唉..............
人地係度玩得好開心, B仔就係度瞓地發爛咋, 唯有抱走佢冷靜下先!
第三個遊戲係捐山"濃", B仔又係好興奮, 之但係爬正係中間唔肯出返黎, B仔媽捉佢出黎又係度發爛咋 =.="""
第四個遊戲係搓泥膠, B仔當然唔合作啦, 唔肯搓, 唉...........
第五個遊戲係做手工, 一人做一頂帽仔, 此時此刻B仔發緊爛咋, 又唔肯飲奶, 唯有B仔爸自己去做吧!
最後一個環節係眾BB最Happy既遊戲, 就係拍肥皂波波, 多麼的興奮啊~~ (佢地) B仔當然又係發晒癲咁啦~~
睇哈哈幾集中精神咁去捉波
B仔都係喎......
玩到五點左右就散band lu~~ BB們唔知幾時再聚一聚, 一齊玩呢?!
之後去咗旺角, 同蔡叔叔一家食晚飯, 仲同兩個姐姐玩車車玩得好開心呢~~
沒有留言:
張貼留言