第一次睇中醫

5.12.2008

話說星期三晚B仔媽去睇王大夫時, 順便問一問王大夫如果生咗粒肉牙有無得醫, 王大夫話要帶B仔俾佢睇睇至知, 於是今日下午B仔媽攞咗半日假, 湊B仔返黎睇王大夫!

王大夫睇過B仔粒肉牙都話有機會再大粒d, 王大夫開咗盒藥膏, B仔媽問駛唔駛食藥, 如果食埋藥雙管齊下會唔會好d, 王大夫就話會好d, 咁B仔媽就叫王大夫開埋藥俾B仔食!

B仔成日喉嚨發炎, 容易生飛滋, 大便有時都頗硬, 順便睇埋, 王大夫話B仔屬熱底人, 所以會咁, 王大夫就開埋藥一齊調理!

B仔一日食一次, 由於係藥粉沖劑黎(非常方便), 可以溝奶黎食, 雖然d藥一d都唔苦, 味好淡, 但就咁飲B仔唔肯飲, 唯有溝奶俾佢一齊食!

雖然睇中醫唔知有無效用, 但都叫做試過! 希望會細粒返啦!

今個星期B仔返到屋企, 唔知點解, 成日瞓係地上, 或爬係個地上面唔知做乜?!

我地係度食飯, B仔就係度搞搞震 =.=""""

拎咗個馬馬公仔俾B仔玩, 佢好鍾意呢~~ 成日稱住佢通屋行, haha.........

食飽飽又去玩叠星星, 成功放咗一個星星就自己拍手掌讚自己, 真搞笑!

是日晚餐.............

嘩........ 好耐無煲湯, 開頭一煲就滾瀉咗, 結果最後變咗淨返2湯碗水 =.="""" 真失敗!

無花果海底椰豬展湯 (好甜好潤, 好好味)

豉汁蒸魚頭云 (好正呀!), 仲有清炒菜心