全職師奶仔生涯就咁就完結

28.12.2008

B仔爸打敗仗, 放工返到黎就瞓, B仔媽都想繼續瞓, 但B仔又唔肯繼續, 唯有起身陪B仔!

食咗早餐一支奶就同B仔去街巿買瘦肉, 又燉d川貝水一家三口飲下先!

返到屋企同B仔玩一陣, 食埋粥粥就午睡, B仔午睡, 又係B仔媽既時間啦~~ 煮嘢俾自己食啦、燉川貝啦、墊玩具啦...... 搞掂晒d嘢, 上咗一陣網B仔就瞓醒...

B仔爸瞓咗成日都唔掂, 本來諗住等佢瞓醒一齊返屯門, 但見佢狀態咁, 真係驚咗佢呀! 唯有特登叫公公婆婆駕車黎接B仔返屯門啦~~

B仔準備返婆婆度啦~~ B仔媽真係好唔捨得呀! 話晒呢輪日日夜夜咁照顧B仔, 而且又習慣咗呢種生活, 雖然辛苦過返工, 但真係唔多捨得B仔返婆婆度呢~~  

B仔, 你要乖仔呀! 媽媽要過幾日至黎睇你啦~~ 你唔好蝦公公婆婆呀!

公公婆婆湊咗B仔返屋企, B仔爸又瞓咗, 無聊既B仔媽無嘢好做, 走去街巿買材料包餃子!

買咗5蚊水餃皮、10蚊半肥瘦豬肉同埋4蚊西洋菜!

19蚊可以包到24粒西洋菜豬肉餃子, 仲有少少饀料淨!

B仔爸無胃口, 淨係顧住瞓, 今晚B仔媽食自己, 煮咗8粒黎食, d饀料醃得唔夠味添! 但味道都OK! 第一次自己包餃子都算係咁啦! haha......