全職師奶仔生涯第五日 -- 打水痘針

16.12.2008

今日帶咗B仔去陳醫生度打水痘針, 3點零去到竟然得一個小朋友睇緊醫生, 所以好快就到我地啦!

陳醫生話打完水痘針大約2星期後至會有反應, 咁就打咗大拿拿530蚊! 無得Claim, 肉都赤赤地呀!

之後同B仔去咗沙田一田睇下d相, 因為上次係Venture影d相post咗係一田BB餐廳入面啦! 今個月係Post B仔d相, 到下個月就會到另一位YaYa主角架啦~~

之但係, 佢地都好失敗囉, 竟然寫錯咗B仔個名, 比賽時已寫錯咗架啦, "峻"字寫咗"俊", 已同佢地講咗, 但今次登出黎都仲寫錯, 將個"僑"字寫咗"橋"字, 太過份啦! 都唔知d人點做嘢架!

除咗失敗, 仲頗失望囉~~ 登出黎d相都唔靚既, 有d都可以架麻, 佢又唔登!!!

B仔, 你做咩呀?! 想抬d相返屋企呀?!

影完相行出黎見到好大隻鴨鴨呀, B仔見到不知幾鍾意呀! 仲係咁拍隻鴨鴨添呀!

跟住街都無行就返屋企lu~~ 路經新城巿個x'mas佈置, 放B仔落地影下相, 點知... 一落地四圍走, 人又多, 捉返住佢又喪喊, 結果無乜點影相, 放返去坐車仔, 走人, 佢就勁喪喊, 好扭計呀!