全職師奶仔生涯感想

由12號開始放假湊B仔, 到今日28號, 總共17日既全職師奶仔生涯就咁就完結, 唔知幾時至可以放咁耐假湊B仔囉~~

17日湊仔日子真係超辛苦, 日日要煲粥、抺地、抺玩具、洗衫、晾衫、蒸奶樽... B仔又曳, 成日搞呢樣搞個樣, 瞓覺又瞓得少過人, 要做家務之餘仲要"目及"住個頑皮仔, 真係辛苦過返工多多陪呀!

雖然超辛苦, 但又好甜, 因為日日都湊住自己個仔, 個仔日日咁黐住媽媽, 日日陪B仔玩, 陪佢睇電視, 餵佢食粥仔, 幫佢沖涼, 而B仔就陪媽媽去街, 又陪媽媽上網, 雖然係度搞搞震, 但當個仔黐係自己身邊, 對住媽媽笑, 個種感覺真係好滿足、好幸福, 好開心呢~~

期間B仔打敗仗, 發燒燒咗四日, 時高時低, 真係擔心C B仔媽呀! 睇住B仔病病個辛苦樣, B仔媽又幫唔到佢, 又唔知佢邊樹唔舒服, 又驚燒咁耐會唔會有問題, 抱住B仔真係喊咗幾云, 抱得耐又驚佢散唔到熱, 天氣又涼涼地着得衫少又驚佢凍親, 蓋得被多又驚佢散唔到熱, 唉... 以為退咗落黎, 突然之間又燒返, 餵食退燒藥, 又喊到嘔晒出黎, 真係好失落! 好無助!

初初湊B仔個幾日真係唔多習慣, 又唔太了解B仔, 有時佢喊真係唔知佢想點呢! 但慢慢又習慣咗, 當習慣咗既時候, 假期又即將完結, 又要過返往常既生活, B仔要返婆婆到啦~~ 真係超級超級超級唔捨得呀! 唔想返工呀! 想繼續日日夜夜湊B仔呀! 幾時發達唔洗做呀?!