之前係Cary個blog (http://hk.myblog.yahoo.com/iam-cary/article?mid=4282&fid=104)度睇到一篇關於 "餵mama milk食乜~~~同唔食乜~~~" 嘅文章, 各位準媽媽可以參考下~~
不可吃! 媽媽吃了會收奶的食物
木耳 雲耳 白菜 芥蘭 菠菜
乳鴿 豬潤 豆豉 狗菜 麥芽
雞精 人參 韮王
吃多些! 媽媽吃了會多奶的食物
生魚湯(不過有傷口唔好飲住) 鮮奶 燕窩
鱆魚湯 花膠 芽菜
而QE亦都比左張上奶湯水單張我: 用豆腐, 花生, 豬蹄, 木瓜煲湯飲都可以多D奶奶例如: 豆腐肉片湯, 木瓜花生湯, 花生煲豬腳......, 自己鐘意點煲都得~~~ 
唔係喎, 我有個在bady kingdom搵到既坐月食譜, 佢話頭10日食木耳or雲耳係去惡露架喎, 而其他乳鴿, 豬潤, 豆豉我就有聽講過會收奶囉, 比個食譜你你參考下! http://janet781010.sinababy.com/moon1.doc
回覆刪除係喎~~ 裡面提及 十二朝前 最 緊要清淡 ，餸菜可配以 黑木耳 ( 白 背黑木耳功效最好，而普通木耳尚都可以 ) 同煮， 能幫助排清惡露，但不可過量! 咁餵媽媽奶即係食唔食得黑木耳?!
回覆刪除咁我唸呢個食譜都會係for餵人奶架囉! 裡面有d湯水都係for可以多d奶既! 我唸我都會依呢個食諳去食囉! 因為我真係未聽過食木耳會無奶喎! 呀! 你會由邊個陪你坐月呀, 係咪都會餵人奶呢? 我就會由我媽陪我坐月, 至於餵人奶都係唸住盡力而為囉, 因為聽過太多失敗個案了, 唔好比咁大壓力自己去迫自己餵囉! 我有個friend餵左7日就喊足7日, 唔夠奶之餘又辛苦, 最終佢都係放棄左了! 不過我有d fans 都好勁餵到3-4個月, 不過佢唔使返工囉, 我頂多餵到返工就唔餵了!
回覆刪除你而家有冇飲定呀，我生正義俠嗰時成日自己煲QE 提供嘅湯水食譜，一星期都煲三次右左﹝星期一至五﹞，一收工就去街市，煲完都成九點幾十點先飲，同時你跟姑娘指示去喂，通常都可以喂到mama milk。我嗰時都係喺QE生啲姑娘勁好人。但唔食得咁食物呢就見仁見智，唔係個個都一樣，如豬潤有啲人冇問題有啲人有問題﹝我係唔可以飲因我會冇奶，試過啦。﹞。
回覆刪除我嗰時喺醫院生咗之後，姑娘提我千祈唔好食木耳，好似木耳雞酒...話太行血，會令惡露唔斷一直留！所以都冇食過！等惡露自己清咋！ 餵母乳我都覺得幾困難架！好睇個B合唔合作！我嗰時用奶泵幫手，咁就容易&方便好多！
回覆刪除penkwok, 我諗住餵到媽媽奶一定餵, 希望小寶寶肯食! 我地要堅持呀! 媽媽奶對小寶寶好呀~~ 我同事餵到佢個仔成歲, 好勁! 坐月期間媽咪會過黎照顧我/照顧小寶寶, 奶奶唔知會唔會黎! 怕且佢都會黎! 女巫媽媽, QE咁好嘅~~ 俾埋湯水食譜你! 你仲記唔記得係咩湯水呀?! 小女人, 係啦~~ 我都擔心小寶寶唔合作呀! 不過呢D到時至算囉~~
回覆刪除餵媽媽奶好呀.我第一胎都有餵,不過餵左2個月就無奶奶喇 但我有飲木瓜魚湯,雞湯嫁,之後朋友話我知可能我有用電泵泵奶. 所以搞到d奶量跌喎.....今次我會試下埋身餵多d,睇下會唔會多d奶先
回覆刪除Carmen, 唔通真係埋身至激發到多d奶?! 咁我都盡我所能埋身餵啦! 餵得幾多得幾多!
回覆刪除sorry 打錯，只不過係湯水單張，我覺得都好work可能我自己一星期都飲三至四次多奶湯水啦﹝未生之前已經開始煲嚟飲﹞。埋身喂係再好，奶量都會多好多。最初我個正義俠都係唔識點樣同大人合作，但你細心啲咁就會自自然就喂得好順利，佢亦都好合作。你係喺邊度做產檢？
回覆刪除我哩便d E生教我,千其吾好食豆,同埋酸野,吾係bb會肚仔痛架~~((橙都係喎~~ ))
回覆刪除女巫媽媽, 我係廣華產檢架~~ 二家姐, 乜外國醫生都會叫人戒口架?!
回覆刪除你好, 我想分响一啲經驗, 最初我都有奶水不足的情況, 但我的醫生告知要有足夠的水份,最好每日喝4L流質,雖然好多我自己都不能做到, 但我會盡量喝, 奶水不足的問題就解決咗.
回覆刪除小藍藍, 謝謝你o既分享! 4L都好多下喎~~
回覆刪除千萬唔好飲牛奶呀 我媽咪個時我嫲嫲靠害比完我媽咪飲 就谷到個胸勁痛呀 千其唔好飲呀
回覆刪除鬼妹, 係咪要谷至有奶架?! 如果係餵人奶, 咁咪要谷囉?!
回覆刪除