30週檢查

4 July 2007

今日下晝又係見小寶寶一面嘅大日子! 今個月重咗7磅(162磅), 就黎重過張先生啦!

小寶寶頭仔依然向下, pat pat就係右上位置, 原來小寶寶成日用腳仔頂我! 可惜仲未見到成隻腳型係肚皮出現...

張醫生又係每個器官照一照, 今次仲照埋小寶寶嘅陰囊, 睇黎小寶寶應該100%係B仔啦! 張醫生話小寶寶係中碼大少少嘅bb, 暫時預計出世最少會有7點幾磅!

張醫生仲話胎盤未老化, 小寶寶應該都會係預產期左右出世! 我就希望小寶寶係我一放假佢就出世, 咁就可以對多小寶寶2個禮拜~~

檢查完, 去咗護協買咗少少嘢, 跟住就去咗尖沙咀個間有骨氣烚烚烚! (因為同張先生鬥某樣嘢, 輸咗俾佢, 爭佢一餐飯

  ) $88一位, 湯底另計, 兩個人烚咗300蚊左右!

最好味都係佢地招牌水晶叉燒包同埋水晶奶皇包! 大鄉理嘅我, 唔知呢兩個點心原來要烚下至食得, 個待應哥哥拎咗埋黎, 張先生話要烚下佢至食得, 我仲好疑惑地問返張先生: 乜唔係就咁食嘅咩???

 跟住個待應哥哥就話係要烚咗至食得架~~  突然覺得好羅添~~

食飽飽就回歸!