攬枕

14 July 2007

下晝同張先生出咗銅鑼灣, 因為sogo有嬰兒用品特賣, 於是去逛逛!

場地好細, 無乜嘢啱買! 想睇下有無nuk新款奶樽特價, 點知得舊款! 床上用品都係同西田睇o既一樣, 都係399蚊一套, 費事山長水遠拎返屋企, 所以都無買到!

結果淨係買咗個幾用途攬枕, 之前係荷花見到同類型o既攬枕, 賣成400蚊, 太貴啦~~ 咪搞! 而BeBeDream見到一樣款, 都想買架啦~~ 24x蚊架~~ 係sogo買有八折, 折咗都係200蚊! 於是買咗佢~~

呢個攬枕依家我用住先, 瞓覺時, 一邊可以 "lomg" 係大脾, 另一邊就伸去背脊, 側瞓時頂住背脊舒服d呢~~ 家陣成床都係枕頭, 咕o臣, 毛巾, 冷氣被, 再加埋呢個長攬枕, 成床都係嘢呀! 

到小寶寶出世, 呢個長攬枕可以托住小寶寶黎餵奶, 到佢大個仔d就可以俾佢 "i" 住黎學坐! 都算實用o既~~