打敗仗

5 July 2007

唉.........

 真無用, 打敗仗!!!

尋晚瞓到四點幾, 成個背脊骨痛醒, 瞓係度又唔舒服, 坐係度又唔舒服, 企係度又唔舒服, 隻腳又脾脾地, 好辛苦, 瞓唔返...................

好不容易至瞓得着! 瞓醒頭重重, 於是攞咗一日病假! 諗住係小寶寶作怪, 抖一日會無事啦~~ 點知...... 到下晝六點幾, 突然好想嘔, 頭又有少少暈陀陀咁, 於是係張床度攤抖下, 但都唔見有好轉, 心諗: 小寶寶你乖啦~~ 你媽媽我好辛苦呢~~

係攤抖期間, 打咗個電俾媽咪, 同佢講咗我嘅情況, 果然一言驚醒夢中人, 媽咪懷疑我感冒呢~~ 於是叫我咋咋臨去睇醫生!

於是係張先生嘅陪同下, 落咗樓下附近睇醫生! 醫生話有輕微感冒, 開咗藥俾我食! 臨瞓前食咗一次藥, 跟住就瞓~~~~~~ 應該係夜晚瞓覺嘆冷氣兼成日 "富" 被累事!

唉.......... 真係對唔住小寶寶啦~~ 搞到佢要陪我齊齊食藥!