呢排唔知做乜, 好似返返轉頭咁(懷孕初期)
搭車間唔使會搭到想嘔, 呢幾日又唔多開胃, 唔多想食嘢, 但食嘢時又食唔落, 想嘔, 好似今日咁, 今朝食碗墨魚丸米, 竟然食唔晒, 越食越想嘔, 但又嘔唔出! 以平日好食得o既我, 理應食完都唔夠飽, 點解會咁o既???
食完碗米粉, 去咗惠康閒逛, 諗住買d材料整個cake請同事食, 但係行咗一陣已經唔多妥, 想嘔之餘好攰, 無晒買嘢o既衝勁, 好辛苦, 咁啱張先生打電黎(佢今日返工呢~~), 同佢講, 講到眼濕濕呢~~ 但又唔想俾佢知! (唉...... d hormone又黎發作!)
今日全日食量唔多, 除咗碗墨魚丸米, 下晝食咗個蘋果同埋muffin, 到夜晚就食牛丸燒賣烏冬加西蘭花, 但又係食到想嘔 同埋唔知點解, 成日都好攰, 攤係sofa睇套電影都恰咗兩次眼瞓! 初初有小寶寶時都無話成日想瞓! 唔通係屋企都熱到中暑?! 
沒有留言:
張貼留言