回歸十週年去咗MegaBox

1 July 2007

今日係香港回歸十週年o既大日子, 對我黎講, 無特別o既感覺, 連續兩晚電視都播慶回歸節目, 都幾沉悶~~

今朝瞓醒, 無節目, 張先生想去MegaBox想咗好耐, 於是食咗早餐就出發! 可能早o既關係(去到時12點), 唔係好多車, 好容易就入到停車場, 無之前朋友所講塞晒車咁! 我地仲可以泊係地庫個層, 唔駛轉黎轉去上高層泊呢~~

去到第一時間上戲院買飛睇<史力加3>, 間戲院都幾細, 我地去到時都差唔多爆滿, 好彩都仲有最尾個排最角落個兩個位, 唔好以為會好後, 其實我地坐個行係G行黎架~~

<史力加3>都幾好笑! d史力b好得意呀! haha..........

 但我覺得個故事結構就麻麻地! 張先生就話<史力加2>好睇d! 我就唔記得<史力加2>係點啦! 因為我係過目即忘o既人!

睇完戲, 度度都係人潮, 我地當然要行下果度最大型o既兩間店 同埋 啦~~ 點知........ 兩間店俾我o既感覺係好似上咗深圳行沃爾瑪咁

 但係係貴版o既沃爾瑪!

本來諗住係 睇下d浴巾, 諗住買俾小寶寶沖完涼用, 嘩.....................

 摸上手鞋過張先生隻手多多多多聲呀! 放都放唔切呀! 窗簾布款式麻麻~~

係 睇中張sofa, 我同張先生想試下坐下, 睇下舒唔舒服, 點知張sofa俾成家人, 一家大細霸住咗, 張先生係佢地面前企咗數分鐘, 人地都不動聲色, 唯有放棄!

又諗住行荷花, 點知未開

行到四點半就回歸, 一來無嘢好睇/買, 二來度度都係人好煩! 落到地下個層門口, 嘩.......... 嚇一跳呀!

 d人排晒長龍, 我地以為d人排隊等搭lift, 原來唔係, 係d人等shuttle bus, 門口出面個堆人就等的士/小巴! 馬路就塞車/慢駛! 場面真係恐佈!  MegaBox o既吸引力真強勁! (好彩我地早去早回遮 )

還是宜家傢俬好行好多! 家俬款式多好多兼時髦d, 起碼張sofa俾人霸住都仲有其他選擇! 行到攰攰地都有張sofa / 凳坐下抖下! 唔怕阻住人! haha...

是日最出色係係Mos Burger買咗個漢堡餐入場食! (孕婦要醫肚餓, hehe.....) 好好味! 仲有一消費就3小時免費泊車, 之後每半小時4蚊