腳腫............
自從上個禮拜開始, 有晚睇電視發覺, 兩隻腳掌腫咗.............. 變咗豬腳................. 仲要腫到無咗腳眼個隻! 望落去脹卜卜, 好似好得意咁!
其實已經晚晚long高咗對腳黎瞓, 食又唔係食太咸, 但都變豬腳, 真唔明解?!
有同事同我講, 隻腳三腫三消, 跟住就好快生得! 但我都唔知呢次係第一腫定第二腫, 之前無留意 張先生個同事又話腳腫就好快生得, 想當年佢老婆臨生之前又係腳腫, 結果個仔早咗兩個禮拜出世 
(果然係一名大意嘅孕婦) 亦唔覺佢有消過 
...... 咁即係點呢?!唔通小寶寶都會早d出世?! 不過都係等夠37週先啦! 小寶寶你媽媽我仲未幫你洗衫呀! 唔好出黎住呀!
胃焯熱................
呢兩三個禮拜, 又唔知做乜, 一到下晝4點打後, 喉嚨"定"就有股熱氣流湧上黎咁...... 適逢呢斷時間又係開餐嘅時候, 唔食又肚好餓, 食... 但又食得辛苦! 救命呀~~~~ 好辛苦! 有時搞到仲有想嘔嘅感覺, 但又係嘔唔出!唉...... 呢股感覺幾時至無呀?!
仲未搵到能夠舒緩嘅辦法! 保險姐姐話呢d叫胃焯熱(想當年佢懷孕時都係咁), 叫我小食多餐!
做媽媽真係唔簡單~
回覆刪除我都係根本不知道何時是第一腄或第二腫。因為我的左腳一時腫一時不腫。坐得久了便腫，行一會又不腫。行久了又會腫。咁算係腫幾多次？ 之前我經常都有股熱氣從胃湧上來，後來每餐吃小一點便好一點，吃完仲不可以即刻訓系張床到。 希望你bb和我bb至少都可以足月出世，我最近都有d擔心，希望佢地生生性性。
回覆刪除身體出現不同的問題也代表了體內發生了甚麼事情的, 你有沒有看中醫呢. 找個好的中醫, 也並不是容易的, 希望你早日康復.
回覆刪除冇用架，差唔多時候就會咁，做乜都冇用
回覆刪除唔會甘快生架，我由30week開始腫到鞋都著唔落阿，衣家38weeks 啦，都未生住...所以放心放心。
回覆刪除我唸三腫三消係FOR個D一直係咩腳腫, 到臨生時才腫到變豬腳個D喎, 想當年我FANS佢做到38週才放產假, 我見佢之前無咩腳腫, 有既都係好輕微(即隻腳大一兩個碼個D), 但到佢36週左右, 係好明確似豬腳架, 仲要唔係個D早上唔腫, 晚上才腫個D喎, 係腫好耐架, 成幾日咁架! 消又消幾日囉, 之後再腫, 我唔係太記得佢有無腫三次了, 不過佢都只係比預產期早4-5日出世, 所以你要留意你個D係咩腫囉! 我都好驚我會變豬腳呀, 而家只係唔見左內側既腳眼囉, 遲D都可能會兩邊腳眼都唔見左了! 加油啦!
回覆刪除我個囡囡真係三腫三消就出世啦!都幾準ga!
回覆刪除三腫三消...... 我陀墨魚仔對腳都無腫過......
回覆刪除唔睇都唔知有三消三腫呢樣嘢，又學到嘢，要記低佢至得，第時大肚要睇番！祝你和BB健健康康！ ________________ 唔好意思，賣賣廣告： 「生人霸死地」兩文三語怎樣說?
回覆刪除如果BB開始落盤骨時, 你個胃就應該會舒服D架啦..佢依家頂住你個胃呀,你真係要小食多餐啊
回覆刪除我陀住女女時候,媽咪都話三腫三消就好快會生得,但我果時三腫三消之後都未生得!!!女女仲比預產期遲左8日先出世!!!
回覆刪除我都聽人講三消三腫依樣野,不過唔知係咪真呢..
回覆刪除個胃係會唔舒適咖~~~ 少食多餐啦~~~ 就快就見到bb咖喇~~~ 捱多幾week啦~~~
回覆刪除三腫三消真係未聽過！我佗個女時冇試過腳腫，我諗你而家好快進入高密度覆診時段，醫生會check住BB會否提早出世架啦！
回覆刪除我果時就生都係咁..個胃係唔舒服..不過我就冇腳腫!!d人話訓之前唔好飲咁多水..就會好d!! 你同呀b講多d...叫佢記得足月先好出世呀!!! 係wor..咁你未唔可以去bb展??
回覆刪除我o個陣冇乜腳腫， 臨生時好開胃！ 你好快就會吾腳腫，都就快生，加油呀加油呀！ 努力努力努力！
回覆刪除快D洗衫la,懶豬 我暫時都未有腳腫wor
回覆刪除幫唔到你le~ 張C奶!!!! (我未試過咁既感覺) 水腫既腳就always 有!!!
回覆刪除洗3 la ~ 擺入洗e 機好快je ~ 要洗一日攪掂啦~
回覆刪除雖然拕仔辛苦，生仔又痛，不過當見到bb健健康康出世，就什麼苦都抵番啦! 加油呀!
回覆刪除我諗你應該呢幾日可以生得!!!因為腳腫係一種特徵!!
回覆刪除我下星期就39wks啦, 腳都無腫過, 我唔想bb過期居留呀......
回覆刪除penkwok, 我一直都無腫架~~ 係呢排開始腫, 但唔覺佢有明顯消過喎! 貓貓, 咁即係小寶寶仲未落盤骨! Cary, 係呀! 仲有3weeks就夠37週啦~~ 期待ing!!! 一家人, 我間唔使會同小寶寶講, 夠37週至好出世呀! 同埋要等daddy係屋企你至好出世! haha... 希望佢識聽啦! 我會去bb展呀! 天使媽媽 & winnie, 我會加油! Yani, 要啦~~ 真係要洗啦~~ 如果唔係小寶寶無衫仔着! 我都有同小寶寶講, 唔好出世住, 我未幫你洗衫仔! 師奶仔, 未咁快麻............... vicki, 咁你得閒輔導下你個bb啦~~ 叫佢唔好逾期居留! 你準備好晒bb d嘢未呀?! 會唔會佢見你未準備好, 唔肯出黎住呀?!
回覆刪除大肚真係好辛苦啊,咩問題都有既,去問下醫生,睇下有無方法減輕D~
回覆刪除哦... ...bb都要等媽媽幫佢洗乾淨d衫衫先架嘛 ! 所以你要快d準備好呀 !加油呀 !
回覆刪除之前我對腳無端端勁腫,之後一個月左右就生左bb啦 加油~~~努力!!
回覆刪除果時小肥太日日著住長襪(因為天氣許可),咁腳腫既情況會冇咁勁
回覆刪除a...仲記得我呢位blog友仔嗎?! 好耐無黎探你啦...我都有左bb呀!! 開始腳腫啦...可能真係三腫三消就生得啦!!!
回覆刪除就來生,體重會即刻標高同勁腳腫,又累,, 你知唔知點解孕婦會腳腫牙?! 因為一有bb,d 淋巴位就會俾野壓住,積左好多毒素,加上吃既野,果d野都會有毒素,搞到水腫, 就算唔係孕婦,係普通人都會有水腫,睇下勁都唔勁,所以唔洗驚
回覆刪除我又係腳腫....... 尋日有心口焯熱0既感覺.... 唉...!!真係好難頂...... 你而家幾多週呀?
回覆刪除你好呀!我仲有兩個星期bb就出世,我都好似你咁胃灼熱,你可以試下食香口膠,我上次試過真係可以舒緩下,你都可以試下呀!
回覆刪除