1 Apr 2007
星期日, 張先生要返工, 自己一個係屋企無無聊聊無嘢做, 又無電視睇, 於是食過早餐之後, 去街巿買餸for今晚, 然後去超巿買材料整餅!
自搞結婚嘅嘢以黎, 都好耐無整過蛋糕啦~~ um..... 我諗都成半年有多啦! 今次整嘅材料唔多, 兼可以係超巿買齊晒嘅檸檬芝士蛋糕!
係焗製中嘅餅......
剛出爐嘅餅...... 好香檸檬味呀~~ (正在待涼中)
脫模啦~~~~~~~
切開........................ 裡面都好靚仔~~
自己食嘅餅~~ 新鮮出爐, 緊係要試下味, 睇下見唔見得人先?! 嘩...... 芝士味好濃, 好香檸檬味, 但好似酸咗少少!
總共切到九件餅, 留咗兩件俾張先生品嚐, 其餘請傻kit同姐姐仔食~~ haha... 好唔好味呢?!
玩野咩? 比阿kit 整跌左... 潤我呀?!!
回覆刪除haha...... 下次整過俾你食啦~~
回覆刪除好似好好味呀~~~下次分d比我食啦
回覆刪除哇..正呀!!我都好想整蛋糕，但無耐屋企無焗爐啊!!
回覆刪除Olive, 都幾正架~~ 但張先生覺得酸得濟! 朋友仔傻kit話好香檸檬味囉~~ 你都整下! 貓貓, 有d蛋糕唔駛用焗爐焗架! 整好放雪櫃雪硬就得架啦~~ 有興趣你都學下整餅~~ 好開心架!
回覆刪除我未有oven
回覆刪除凍餅我有整呀，就係整來整去都係凍餅，見到你有得焗，心思思....但我屋企已經無位放焗爐lu~
回覆刪除好想食呀...我都好耐未整過啦
回覆刪除仲話你吾叻??!!你好勁囉~連焗旦糕都得呀!我真係要以你做榜樣先得了~~
回覆刪除Olive, 遲下你就會有架啦~~ haha...... 貓貓, 原來你都有整蛋糕架!!! 鬼妹, 等你有自己的家時, 放假係屋企整黎食下啦~~ 二家姐, hey... 我一d都唔叻呢~~ 叻嘅人大有人在呀! haha...... 你係外國住, d廚房係咪通常都有個大焗爐架??? 如果你屋企有, 你都可以趁一一瞓緊覺, 無嘢做時整下! 唔難架~~ 我都係睇書跟住整, 有時就上網睇人地d食譜囉~~
回覆刪除係架,買親廚房通常都連埋焗爐架~你既idea吾錯,等我個jump皮仔訓左自己買本book反嚟研究研究先~~
回覆刪除二家姐, 我其實都好想有個大焗爐架~~ 恨咗好耐呢~~ 無奈香港d廚房豆腐潤咁"大" (豪宅除外), 無地方擺呢~~ 整蛋糕/煮嘢食真係好開心架! 你都試下啦~~ 或者上網睇食譜, 好多blog友都係烹飪高手黎, 可以參考下~~
回覆刪除係呀, 整過幾次啦，想再整時就有咗baby，人地叫我唔好整住，話驚用錯力喎(因為我係用人肉打蛋器打cream架.. )但依家baby stable咗就心思思想再整lu~
回覆刪除貓貓, 你咁勁嘅~~ 用人手打忌廉! 好辛苦架喎~~
回覆刪除hahahahaha.......因為我慳皮唔想買個電打蛋器囉 ~~我驚自己整得唔多，如果買咗返來又少用就好浪費丫嘛~
回覆刪除