28 Apr 2007
今日張先生要返工, 無無聊聊嘅我自己食過早餐, 去咗圖書館睇下BB雜誌 可能因為屋企附近個圖書館細啦! 加上自己係個唔多睇書嘅人, 同埋唔係咁鍾意借書, 因為d書殘同舊我實唔會借返屋企睇! 結果, 想睇嘅書都唔合心水, 最後, 走咗去兒童圖書個部份睇下有咩故事書, 俾我搵到兩本較為新淨嘅故事書... 於是就借返屋企睇下! 叫做胎教一下麻~~ haha...... 
同埋睇下有無咩育嬰書借返屋企睇下, 點知... 係借唔到嘅~~ 跟住返咗屋企hea咗陣, 就出發去剪髮, 頭髮長得好快呀! 可能吸收蛋白質多咗嘅關係啦~~
剪完髮, 去咗吉之島閒逛, 跟住就返娘家食飯! 好耐無見過Pizza妹妹啦~~ 佢都好耐無見過我囉! 佢見到我時比平時特別興奮呀! 係腳邊跳下跳下博你抱佢 食飽飽就回歸! 好嘢呀~~ 
行到邊又跟到邊, 以前邊會咁架~~ 跳兩跳唔理佢, 佢都唔再理你囉~~ haha...... 
家陣搭小巴唔頭暈啦! 唔知搭船掂唔掂呢?! 
想要一個精靈既bb,睇多d書都好好架~ 你想搭船去澳門呀?! 幾時放產假呀你?
回覆刪除二家姐, 我會努力培養睇書嘅習慣架啦~~ 希望小寶寶唔好似我咁唔鍾意睇書!!! 我六月想去澳門玩呀, 因為老公放大假, 又無得去遠行, 咪近近地去玩下囉~~ 每年老公放大假, 我地都會去旅行架! 本來六月係計劃去honeymoon, 突然有咗小寶寶, 邊樹都唔駛去!!! 我八月尾至放產假, 十一月頭至返工囉~~
回覆刪除睇D自己鍾意睇既書都得了~~ 近近地澳門遊幾好吖~~至多上船前吾好食咁多先囉~~ 吓!!!放得咁小假架~~~~~~~身體都未知休息好未....
回覆刪除二家姐, 我地得十星期產假咋~~ 我就拎咗前二後八囉! 我都想有多d假呀~~ 可以自己照顧小寶寶耐d麻~~ 我驚到時返工唔捨得擺佢係媽咪度呢!!!
回覆刪除隻Turbo Jet行得都幾定架，應該無咩事呱？
回覆刪除有d講童話故事VCD或者童謠，去唱片鋪睇吓呀~ 我佗個女時，一本育嬰書都冇睇過，自己冇興趣lor~不過聽d自己鐘意嘅CD都OK嘅！
回覆刪除露絲, 等我六月計劃去澳門玩下至得!!! 小女人, 睇黎我都要得閒去逛下買d卡通卡黎睇下至得! haha...... 我都無心機睇育嬰書! 通常都係用把口問朋友, hehe....... 依家晚晚臨瞓前聽莫扎特!
回覆刪除