做完檢查, 約咗碧瑜去咗又一城逛街兼食嘢! 其實我去檢查之前, 已經食咗碗牛丸米架啦~~ 同碧瑜相遇後, 就食咗碗牛肉麵, 原來吉野家嘅下午茶都幾第架喎~~ 14蚊一碗牛肉飯, 第呀!!! 食飽飽, 坐咗係度傾咗好耐計呢~~ 我諗起碼都傾咗成兩個鐘呀! 之後四圍閑逛, 順便去bossini換個張bb換片墊! 唔記得參加邊個bb會送! haha....... 
最後去咗taste逛咗一陣, 買咗d合桃同埋比目魚扒之後就各自回歸!!!
回歸時候適逢放工時候, 搭火車好多人呢~~ 中途站上車嘅我, 當然唔會有位坐, 亦無好心人讓位俾我!
不論男女老幼, 就算有人落車, 企係你隔離個位人兄/大姐, 都會同你爭位坐! 我就當然唔夠佢地手腳快啦~~ 所以企得好辛苦呢~~~~~~ (其實d人應該睇見我個肚) 有幾次中途站上車, d人都係唔會讓位! 睇黎我同小寶寶都同好心人無乜緣!!! 要靠自己至得囉~~~~~ 返到屋企去咗街巿買餸! 雖然今晚又係食自己(張先生返工), 又因為之前一晚醃咗d雞柳, 所以買咗d蜜糖豆同埋米線做今晚晚餐........
其實我都係冇人讓位架 D 人都幾冷酷囉
回覆刪除我比你好彩少少呀, 我通常都有人讓位我坐架!! 可能我個肚大D, 同埋我成日摸住個肚，仲要裝出一副好攰好辛苦既表情出黎 ! 不過我都覺得，搭火車既人讓座率係比搭地鐵既人少架喎~
回覆刪除哎也~~~ 我地都未去換果張換片墊添~~~
回覆刪除係咪baby kingdom張form呀?? 我尋日都換左
回覆刪除ar lin, 原來你都有同樣遭遇! 貓貓, 我都有借d以摸下個肚架! 但d人望到你大肚, 佢都當見唔到, 都無佢乎呀! 小肥, 你快d去換啦~~ 好似有deadline架~~ Cary, 唔係Baby Kingdom, 唔記得係邊個bb會! haha......
回覆刪除張bb墊好靚喎！！！
回覆刪除我想問你响邊度入bb會ar 廣華門口都冇人派form嘅
回覆刪除平時好人好姐都覺得呢個世界冇乜好心人存在架喇﹔當你大肚時, 惑受就更深, 我嗰時個肚鑼咁大, d 人見到就會即刻咋瞓, 扮睇唔倒, 簡直係人情冷暖呀。
回覆刪除照計應該會首先讓你先架啦!!係咪人地覺得你只係肥,吾係大肚婆呢? 下次出街記得記得著大肚婆dress呀!!!咁會好d架!!知吾知點解!! 就係擺明俾人睇:{{我係大肚架!!! }},因為自己小心之餘,亦都希望你地小心嘛!! 我哥時肚都未現就著lu~~~出親街都吾驚!大肚婆大哂嘛~~~~~~~
回覆刪除妹梅, 你唔駛包尿片, 唔啱你用lu~~~~~ koann, 留咗言俾你啦~~ 其實可以上網search d bb網~~ 馬尾媽媽, 係囉~~ 扮瞓覺, 睇到扮睇唔到喎~~ 真係好老土呢~~~~~ 二家姐, 可能d外國人會好心d~~ 但係香港, 真係好人情冷暖架!!! 抱住bb又唔讓, 個肚籮咁大都一樣唔讓架~~
回覆刪除香港人情紙咁薄,唉！
回覆刪除