20週產檢

24 Apr 2007

今日放工去咗張醫生度檢查, 五點鐘就閃人去登記, 準時五點半到達! 姑娘話要等好多個, 我見雨落得唔大, 於是去附近嘅護協睇下B仔嘢!!! 個度好細呢~~ 睇咗一陣就走人, 落到街竟然落好大雨

 於是去咗附近個間澳洲牛奶公司醫肚! 因為我知今日檢查實要等好耐

係診所等待期間, 係度睇雜誌兼等張先生呢~~ 睇睇下雜誌, 小寶寶突然係咁郁喎~~

唔理佢時, 佢就不停係咁跳跳跳, 於是摸下佢, 佢又停落黎 當我繼續睇雜誌時, 佢又不停................. 摸下佢, 佢又停 唔知佢係咪知道Daddy媽咪一陣會見佢一面, 興奮得濟係度跳無呢???

但係, 當張先生黎到診所時, 佢就靜咗落黎, 無係咁跳跳跳....... 唔通小寶寶跳到攰得濟,

 咗???

等到七點幾至入去見醫生做檢查, 檢查期間, 醫生又係續部份咁講解......... 醫生第一樣就照小寶寶嘅何B仔, 今次張先生終於見到啦~~ haha......

因為照2D嘅關係, 所以都睇唔清楚小寶寶嘅樣, 只見到眼仔, 合埋咗, 兩片嘴唇仔, 最清楚就係脊骨胸骨同大脾骨呢~~ 度下頭仔同大脾骨咁! 最後醫生話一切正常!

上次檢查時去咗抽血驗唐氏綜合症, 驗血結果嘅機會率係超底呢~~ 所以可以放心放心啦!!!

呢排肚皮唔知點解好痕, 問一問醫生, 佢話受到hormone影響係會痕癢, 有d孕婦痕到生, 佢又話有個孕婦痕到頂唔順, 要求提早生個b出黎添呀~~ 咁誇張

 於是醫生開咗樽藥膏俾我揸呢~~

醫生又話小寶寶係中碼BB, 但比中碼大少少喎~~  

 小寶寶你要繼續努力, 健健康康咁成長呀!!!

檢查完, 離開診所都已經八點! 係尖沙咀食d嘢就歸家!!! 要四個禮拜後至再與小寶寶見面!!!