二人世界變三人世界

14 Apr 2007

今日張先生終於有時間陪我啦~~ 今朝要返工, 下晝12點放工, 突然想食齋, 於是同張先生去咗粉嶺火車站附近個間蓬瀛仙館食齋!

第一次去呢度食齋, 菜式種類都幾多, 但感覺好商業化, 無龍山寺個種風味! 食物都係麻麻~~ 龍山寺同雲泉仙館都好食過呢度!!!

食飽飽就回歸睇碟, 今日睇咗兩套悶戲! <舞出真我>仲有套...........um............ 悶到唔記得咗係咩添!

睇到近尾升時, 張老太返咗黎, 佢話佢去買餸煲湯, 相信張先生為免張老太辛苦, 所以張先生話我地自己去買, 叫佢休息一下! 點知.......... 我地買完餸返黎................ 張老太破口大罵張先生!

我地買咗茄子, 諗住蒜蓉蒸茄子, 張老太就係咁話張先生, 茄子降血壓, 涼架! 當佢再睇下d煲湯料 (我地買咗豬展黎煲合掌瓜粟米紅蘿蔔), 又係度破口大罵張先生, 話豬展無營養, 話我要食豬骨至得

 , 係咁話張先生唔識買餸..........................  雖然佢唔係對住我鬧, 但好似間接話緊我咁  因為買咩餸都係我話事嘅~~~~~ 對我而言, 每樣嘢食都有佢嘅價值! 最重要係自己想食咩就買咩, 爭在我知佢涼我就唔會食!

最後, 張先生為咗打完場, 等張老太唔好再係度嘈, 就叫佢聽日你買餸煲湯!!! 張師奶聽到其實唔係咁開心, 因為即係聽日無得去街! 仲要食唔鍾意食嘅菜心!

是晚靚餸有...............

合掌瓜紅蘿蔔粟米煲豬展 (因為張老太認為呢個湯無營養價值, 所以佢加咗十幾粒細細粒嘅鮑魚仔, 佢復活節時返鄉下湛江時買嘅~~ 之但係, 我覺得好腥, 連d湯都腥腥地

  但係佢就覺得d湯好甜, 佢仲留底咗半包俾我, 我諗個度有成四五十粒 )

蒜蓉粉絲蒸茄子

蒸水蛋 (蒸咗n咁多次都失敗, 今次終於成功啦~~ yeah

 )

豆辦醬蒸比目魚 (學咗傻kit媽咪嘅煮法, 咁樣蒸比目魚又幾好味, 張先生好鍾意)