Linco結婚啦~~

7 Apr 2007

今日係Linco同Licgo嘅大日子, 佢地下晝12點半係紅磡都會嘅伊甸園註冊呢~~ 雖然我操身大細, 但因為未曾參加過証婚典禮, 加上Linco咁好朋友, 無理由唔出席架~~

12點左右就到達, 入到會場, 嘩.............. 好靚呀!

不過就未見新娘子同埋新郎哥出現, 但就見到同事shanshan嘅兩個可愛囡囡呢~~ 細囡真係非常可愛呀! 眼大大, 圓睩睩咁~~ 見到佢真係好好好... 好想抱下佢呢~~ 不過有咗小寶寶, 唔抱得細囡!

過咗12點半, 儀式正式開始啦~~

進場啦, 進場啦........

件婚紗好靚呀! 靚得黎帶點古典味道~~ 好鍾意呀!!!

一對新人請起立~~ (律師叔叔有點似董伯伯呢~~ 講嘢雖然嚴肅, 但加埋佢d目無表情, 好搞笑!)

簽咗個大名, 就一生一世架啦~~ 大家睇下, 新娘子笑得幾咁開心, 幾咁燦爛!

禮成!!! 祝你地百年好合! 永結同心! 幸福快樂! 努力造人! 快d生返幾個可愛bb陪我小寶寶玩! haha.....

黎張大合照先~~ 大家有無發現, 個個男士嘅姿勢都係一樣呢~~ 呢d就叫做成功人士嘅款啦! (攝影師姐姐話, hehe.........)

話時話, 攝影師姐姐影相真係好Professional呀! 頭髮少少亂了都會整返好至肯影相呢~~ 非常之細緻呀! 真係good good good~~ 可惜想當日book唔到佢啦~~ 真係好可惜呀!

儀式完成晒之後, 我地就各散東西! 我就同shanshan同埋兩位千金去咗食午飯......

呢位就係shanshan大千金啦~~ 好少女呀!!!

呢位係可愛二千金呀~~ 唔知係咪肚仔餓, 係咁咬奶嘴, 但係咬奶嘴後面d膠, 而唔係咬個嘴!

兩位小姊妹黎張合照先~~

食飽飽之後, 仲有一大斷時間淨, 於是去咗做facial, 都好耐好耐無去做啦~~~~~ 做完facial都只不過係4點15分, 距離七點仲有一大斷時間, 於是過咗旺角新世紀, 諗住睇返場戲, 點知.............. 開晒場, 最快6點至有得睇, 於是四圍閒逛, 睇下B仔衫~~ B仔衫好得意呢~~~~~~~~ 不過要忍下手先!

行到咁上下, 就過尖沙咀美麗華翠享村飲! d佈置好靚呢~~ 佢地放咗好多相出黎俾賓客睇! 呢d都只不過係部份咋~~

新娘子整晚都忙住同賓客影相, 所以都無乜點用自己相機同佢影相呢! 唯有等攝影師姐姐俾咗相佢, 至有得睇呢~~ 我地唯有自己黎張大合照先!!!

新娘子好靚! 成日話自己肥, 但係一d都唔覺得肥, 又唔會太瘦, fit晒呀!!! 最鍾意都係新娘子嘅婚紗, 真係好靚~~ 其次係送客個件棗紅色晚裝, 棗紅得黎好sharp! 其餘兩件(1件金+1件粉紅)都ok~~ 佢d頭飾都好靚呀!

至於餸菜方面, 就真係比想像中差! (因為係esdlife聽聞過翠享村d嘢話幾好食) 唔好食! 所以有點失望! 最好食就係d橙, 又大又甜! 好好味! 我地仲要拎埋隔離枱個d橙走添呀~~ 唔好晒麻~~~~~ 我飲宴數次, 都未曾試過拎橙走呢~~ 今次拎咗4個返屋企食! haha......... (唔通做咗師奶仔之後係會咁嘅?!)

返到屋企都十二點幾! 第一次帶住小寶寶咁夜歸家呢~~~~~~~~