心情欠佳

15 Apr 2007

尋晚成晚都瞓唔着, 救命呀~~~~~~~~~~~

發覺一樣嘢, 平時晚晚都瞓到嘅我, 每當張老太張老伯返咗黎瞓個晚, 我就瞓唔到, 唔係因為佢地嘈, 而係屋企多咗個平時唔會係度嘅人, 感覺好似好無安全感, 所以瞓唔到呢~~~~~~~ 同張先生講, 佢就話我攞黎賴......................................

到張老太一早起床出門, 我至安安樂樂咁瞓一覺! 到八點幾佢就返咗黎, 係度整煲湯料, "bing ling ban 冷" , 難得瞓得返嘅我, 結果又係俾佢嘈醒

  到佢搞掂晒, 煲落湯時又叫張先生睇火   之後佢就返返佢自己度! 終於至有覺好瞓!

瞓到十一點就起床, 但張先生仍在熟睡, 瞓咗成晚嘅佢竟然比我還要爛瞓

  結果等咗佢成個鐘頭佢都唔願意醒, 肚仔餓嘅我同埋小寶寶, 飲咗盒奶都頂唔住, 發老脾佢至肯起身同我去食嘢!

陽光譜照嘅一天, 當然想趁住放假出外走走, 但都俾張先生拒絕! 同佢逛一陣, 又滿不耐煩咁! 返到屋企又話睇戲, 但就有佢揀, 無我揀, 同佢講嘢又唔應我

 張師奶終於忍唔住, 發脾氣!  結果成個下晝攤係床度, 乜都無做過, 覺又無瞓過, 個腦係咁諗d唔開心嘢~~ 其實我都唔想, 但控制唔到自己! 可能因為尋日加今日嘅唔開心, 再加埋今晚食d唔係自己鍾意嘅食物, 積埋積埋發洩唔到出黎所致!

鬧情緒期間肚仔餓, 走咗去廚房焗蛋糕俾自己食! 諗住整完個蛋糕, 會降下溫, 但係都係咁........ 成個下晝, 張先生都無理過我呢~~ 我就更加嬲!!!

 決定今晚罷工唔煮飯!!!

結果, 張先生唔知係咪以為我會煮, 等到八點佢都唔動工煲飯, 心知不妙~~ 咁落去只會餓親小寶寶同自己, 但又唔想同佢講嘢喎~~ 於是send sms俾佢話唔煮飯! 結果, 咪佢搞掂餐飯囉!

雖然肚餓, 但對住呢餐飯真係食唔落, 張老太煲嘅山班魚豬骨鮑魚仔紅蘿蔔湯, 真係幾層油係面, 見到都唔多開胃呢~~~~~~~  再加埋碟好老嘅菜心, 真係好無食嘅樂趣咁! 

為咗小寶寶, 幾唔想食我都會啃落去!!! 大家可能會覺得: 嘩... 好幸福呢~~ 

有奶奶煲愛心靚湯, 仲買埋餸, 你仲嫌三嫌四?!

但其實我鍾意靠自己多d, 唔駛次次都山班魚湯加菜心, 自己想食乜就買乜黎煮, 起碼係隨着自己嘅意願去走!!! 咁樣我會覺得開心d~~ 很難想像坐月個個月點過~~~

******************************************************************************************

等食期間, 影咗幾張好無聊嘅相.............