為慶傻kit生日而做嘅~~ 士多啤梨慕思蛋糕

22 Apr 2007

傻kit 24號牛一大日子, 沒什麼特別禮物送她, 於是決定整個cake送俾佢賀佢生日! 我同姐姐仔打算聽日放工時為佢開一個小小生日派對, 希望俾個驚喜佢呢~~

諗咗兩日, 整咩蛋糕好呢?! 木糠布甸?! 我又整拎到返公司唔夠實, 成個cake冧晒!

 木瓜慕思蛋糕?! 又唔係人人鍾意食木瓜!  於是, 決定整士多啤梨慕思蛋糕!!!

尋日係惠記買咗盒士多啤梨, 當今日拎黎準備整cake時, 發現盒士多啤梨唔多靚呢~~ 不過算啦! 都只不過用黎整cake, 唔係就咁食!

因為姐姐仔打算整豆腐芝士蛋糕 (懶到就黎成精嘅姐姐仔竟然處女下海, 大工程整蛋糕, 傻kit有呢個朋友仔真係幸福呀~~~~~~), 因為佢個cake係用消化餅做底, 於是我個cake就改用海綿蛋糕做底!!!

首先, 我就整咗個海綿蛋糕做底先~~ 發現有粉漿淨, 於是焗咗三個海綿蛋糕仔! 點解幅相得兩個?!

 其中一個就係俾張先生食咗!!! 張先生不停讚好味道呢~~

接住就開始整士多啤梨慕思! 呢個係完成一半嘅傑作......

雪到d慕思硬咗之後, 就開包士多啤梨味嘅啫喱粉做面個層......

當我鋪咗d士多啤梨係面, 再倒d啫喱水係面時, 有兩粒士多啤係度 "游水" 喎~~

於是放咗個cake係冰箱度雪, 等個兩粒士多啤梨唔好再係度 "游水", 點知.........................

雪過龍...............

面個層變咗...................... 唔平滑.............................

呢個就係變咗唔多靚嘅製成品啦~~~~~~~~~~~~~~