北上閒逛一會

6 Apr 2007

瞓醒, 無節目, 食過早餐就同張先生一齊上深圳閒逛一會!

行過一d精品店, 見到呢隻招財貓幾得意咁! 又因為張先生有個朋友鋪頭開張, 於是買咗呢隻貓打算送俾個位朋友, 慶祝佢新店開張之喜!

呢隻招財貓開價48蚊, 張先生又運用佢嘅壓價本能, 老闆娘話45, 張先生唔制, 話40, 跟住就成交!

大家睇下, 隻貓似唔似流緊鼻涕呢~~ haha......

行咗一陣就返香港買餸煮飯!

雪梨茶 (因為喉嚨 "咯咯" 地, 又唔知飲得d乜喎~~ 咪烋雪梨茶黎飲下!)

又係翠肉瓜炒肉片 (張先生好鍾意食呢~~)

豆角煎蛋

蒸蔥蒸唔知咩魚 (買親魚都無問下人係咩魚! 淨係睇到邊條鍾意就買!)

同場加影, 食飽飽我地就睇碟, 今晚睇咗<香水>

故事簡介

1738年，Jean-Baptiste Grenouille（賓韋沙飾）於巴黎一個魚市場呱呱落地，天生沒有體味的他，嗅覺卻極度敏銳。童年坎坷的他住過孤兒院、在環境惡劣的皮革廠做過童工後，輾轉間被香水師Baldini（德斯汀荷夫曼飾）賞識，並開始學習調製香水。Grenouille混合香味的技巧很快已青出於藍，但他心底裏最迷戀的其實是女性體香，這種欲望更令他不能自拔，每次碰到氣味叫他心儀的女性，他都會把她殺死，然後用她製成香水！

為了尋求一支最終極、最完美的香水，Grenouille前往法國著名「香水之都」格拉斯（Grasse）。途中他遇上體味異常動人的Laura（麗歌賀活飾），決意要把她的獨特氣味收進香水內，永遠只供他一人獨享。

另一邊廂，Laura的商人父親Richis（阿倫力文飾）留意到十二個年輕少女連環被殺的消息，深怕自己女兒的生命亦受到威脅。他帶着Laura逃到地中海一間偏僻臨海旅館，但Grenouille卻毫不費力跟隨著Laura的香氣而至......

睇後感:

以為係一套恐佈嘅戲, 但睇落一d都唔恐佈, 故事都有部份情節都幾神奇, 整套戲都幾好睇! 結果亦好奇妙! 有興趣睇嘅朋友都可以一看!