5 Apr 2007
一連幾日嘅假期終於開始啦~~ 實在太高興啦~~ haha......
今日亞珊過咗黎一齊食嘢, 由於屋企附近都無乜好嘢食, 於是張先生提議去大尾篤新開嘅馬希雅海灣食泰菜!
果度環境都幾好, 好舒服, 加上天氣又唔熱, 涼涼地咁幾正! 所以我地坐咗係露天位~~
落雨?! 都無有怕啦~~ 果度都設有瓦遮頭位, 落雨都唔駛驚啦~~ 但係範圍就唔大囉!
我地叫咗幾樣嘢食................
泰式酸辣鳳爪 (張先生最鍾意食, 但呢度嘅辣得濟, 佢覺得爭d~~)
蒜蓉炒椰菜苗 (好味, 炒得好香, d椰菜苗好爽呢~~)
紅咖喱雞 (以為會好辣, 但一d都唔辣, 仲好香椰汁味, 又香又好味, 餸飯一流呀!)
原個菠蘿焗飯 (裡面有臘腸喎~~ 炒咗靚媽條橋喎~~)
焗蒜蓉飽
暹邏特飲 (椰汁、涼粉、芒果仲有一樣綠色好似啫喱咁, 唔記得係咩添?! 
anyway, 呢杯嘢都幾好味! 亞珊同張先生一人一杯, 而我只係飲咗3啖, haha...... )
食飽飽, 本來想行上去個淡水湖度睇下, 吹下湖風, 點知........... 無位泊車, 唯有下次吧! 於是我地去咗大尾篤燒烤場隔離個士多啤梨園! 想去好耐呢~~
呢度都算係幾大 (但聽聞粉嶺個個仲大), 大家睇唔睇到呀?! 綠色一粒粒個d就係士多啤梨啦~~ 不過係未熟嘅士多啤梨!
由於呢幾日天氣都唔多好, 天陰陰, 又落過雨, 濕氣又重, 好多變咗紅色嘅士多啤梨, 從上面睇, 佢係一粒好靚嘅士多啤梨, 但一竭起, 個底浸到爛晒! 真係晒咗呢~~~~~~~
由於一係就爛咗, 一係就未熟嘅關係, 我地四圍係咁摷呀摷呀, 好不容易至搵到d靚仔又紅卜卜嘅士多啤梨呢~~ 咋咋臨影返張想留念先!
大家嘅豐收都唔係好多, 我就摘咗半磅(40蚊一磅), 呢d就係我同張先生嘅收獲, haha...... 而亞珊都收獲唔少呀, 佢差唔多有一磅呢~~
摘完士多啤梨都成四點, 車埋亞珊回家, 我地就順便返娘家食飯!!! 返到娘家當然第一時間洗乾淨d士多啤梨啦~~ 一食, 嘩................... 點解咁酸嘅~~ 睇見佢咁紅, 但係要真係好紅先至甜!
聽個度職員講, d士多啤梨去到5,6月就季尾~~ 下次等天氣好時, 去粉嶺個個摘下至得! hehe......
間餐廳環境幾好喎~可惜我老公賣鬼咗架車，要搭車入去又好煩~~ 張師奶, 仲食辣嘢同菠蘿??
回覆刪除張師奶,the 菠蘿焗飯 looks very good wor.
回覆刪除oh, btw, why you said only you in the easter holiday geah ??
綠色既系咪珍多冰呀？
回覆刪除我都好中意食泰式酸辣鳳爪架,味道一極棒~~
回覆刪除好好享受你既假期啦!! 你去既地方環境好好喎~最啱你大肚婆去架~~~ A !A! A! 你食野要小心D呀!! 辣嘢同菠蘿都係禁食架!!
回覆刪除嘩！呢度好有渡假ｆｅｅｌ喎！有時間我都想帶ｄ寶寶去試吓！
回覆刪除貓貓, 果度環境真係幾好! 得閒郊遊下都係一樂事呀! 我都唔係成日食辣嘢o既~~ 其實個菠蘿炒飯唔係好多菠蘿架! 我眼見到就撩咗俾老公食囉! hehe....... ar lin, 成個復活節假有2日張先生要返工呢~~ 其餘都唔係得我一個! 呢個禮拜晚晚就得我一個食自己就真~~ viviAnn, 我諗似係珍多冰個d一條條呀! thx 阿玲, 老公放假同佢去大尾篤行下踩下單車, 食下泰菜丫~~ 個度仲有間叫木偶, 又係食泰菜, d泰式生蝦真係正正正呀! 大家放心, 我食生蝦果陣未有小寶寶呢~~ haha...... 二家姐, 收到! 我會盡量戒口架啦~~ d唔係好食得o既嘢我都盡量唔食或少食! 我都好鍾意放假郊遊下, 但係呢排香港d天氣好差, 成日天陰陰, 又潮濕, 真係無癮呀! 詩謠媽, 係啦~~ 帶d寶寶去認識大自然啦! 係一個好好又健康o既家庭樂呀! 摘士多啤梨就要趁天氣好同五六月前啦~~ 之後唔係當造期呢~~
回覆刪除個環境幾好咁喎, 不過呢啲地點必須要有馬尾爸爸陪同先得。我未有本事自己一個帶仔仔去
回覆刪除吾~~~~~~~~乖喇~~低錫~~不過真係好擔心你呢~~吾知點解...
回覆刪除好happy喎
回覆刪除馬尾媽媽, 咁就趁馬尾爸爸放假時一齊去家庭樂下~~ 我諗仔仔放暑假時就最易就到時間! haha... 二家姐, 唔駛擔心! 我覺得身邊嘅人比我還要緊張呢~~ 好似同朋友去街咁, 佢地仲緊張過我自己, 驚我俾人撞到喎~~ haha...... Cary, 真係好happy呀! 好耐無郊遊過啦~~
回覆刪除