第三次廣華產檢 ~ 結構性檢查

10 Apr 2007

今朝返咗半日工, 下晝攞咗半日假, 去咗廣華度做結構性檢查!

今次真係夠晒快呀! 2點鐘去到, 2點3就有得入去做超聲波, 仲要係第一個呢~~~~~~

入到去個醫生一句說話都唔講, 好似啞咗咁! (不過個醫生都算後生, 唔醜個隻) 得姑娘叫我上床瞓係度準備檢查!

因為今次得我自己一個去做檢查, 張先生返工嘅關係, 我就問醫生...

張師奶

: 醫生, 我可唔可以錄個電視俾小寶寶爸爸睇呀?

醫生抱住奇怪嘅目光

: 你用咩黎錄呀???

張師奶

 : 用Digital Cam.錄囉~~ (心諗 : 唔通用手指錄咩 )

醫生cool cool地 

: 我唔會就你架~~ 你唔驚手軟你就錄啦~~

於是, 張師奶一邊望住個電視機仔睇小寶寶, 隻手就一邊拎住部相機! 全個過程, 個醫生都好cool, 無同我講過一句說話! 無向我講解呢度係小寶寶嘅邊度, 只有我問佢一句, 佢就答你一句!

問佢呢個係咪小寶寶個頭, 佢只答你:

! 問佢呢個跳下跳下係咪小寶寶嘅心臟, 佢又係只答你: ! 問咗佢好幾個問題, 佢都只係超簡單地 "" 黎回應下你就算!

 係咪大多數政府醫生都係咁嘅呢~~ 無咗個份熱誠!

最搞笑係, 照咗好耐, 心諗

: 點解醫生唔講下小寶寶係咩性別俾我聽嘅?!

於是忍唔住問

: 醫生呀~~ 請問知道小寶寶性別未呀?! (其實我係想醫生照小寶寶嘅何b仔俾我睇)

點知......................................

醫生

 : 乜你好想知咩?!

張師奶扮晒嘢

: 係呀! 好想知呀!

醫生回應

: 係仔黎!

跟住張師奶又扮晒嘢

: 依~~ 咁係邊度睇到佢係仔呀?!

醫生跟住好 "hill" 咁話

: 我之前睇咗啦~~~~~~~~

張師奶當堂

 .............................................................................

全個檢查過程都只不過係15分鐘, 而醫生最主動同我講嘅一句說話就係

: 檢查完啦~~ 一切正常!

 雖然對住小寶寶有成15分鐘, 但係都唔知邊忽打邊忽, 最記得就係小寶寶嘅心臟四個心房係度跳跳跳, 好得意呢~~ 仲有好快速地見到小寶寶嘅手指仔! haha.......