家訪靚媽

31 Mar 2007

今日同張先生入咗東涌探靚媽, 兼黐餐! haha......

踩場前, 我同張先生去咗東薈城睇戲! 因為東薈城實在太少人去睇, 銀幕又夠大, 音響又夠正, 座椅又夠舒服, 全場計埋我地兩個都唔知有無15人睇~~

我地今日睇咗<忍者龜>

故事內容:

紐約市頻頻發生怪事，市內有極速閃過的黑影、天上星宿的排列位置發生異變，還有不知名生物襲擊人類。 富有而神秘的廠家Max Winters，竟然牽涉其中？ 紐約市急需忍者龜的協助！ 不巧的是他們都沒有空：里奧正接受特訓、牠的兄弟米高、阿當和拉斐爾則失去了生活目標。 在城市和家裏都有問題的這刻，里奧和史必拿師父肩負起維持治安和重新團結忍者龜的重任。

 

睇後感想:

 

一套啱小朋友多過大朋友睇嘅電影! 我同張先生不約而同都覺得好悶呢~~ 

呢套戲啱小寶寶睇多d呀! haha...... 睇到我差d想瞓着覺!

 

*******************************************************************************************

 

睇完戲, 係東薈城逛咗一陣, 個度95%嘅店都係outlet, 但outlet得黎又唔覺佢平! 所以都係得個睇字! 行過d 小朋友衫仔店, d bb衫好得意呢~~ 但係都忍住手先! 唔想咁快買定擺係度呢~~

 

之後就上咗靚媽屋企! 是晚靚餸實在太正啦~~ 但係我又掛住食, 唔得閒影相添~~ hehe......

 

是晚靚餸有: 黃金蝦、薑蔥炒蟹(好香呀! 但唔食得!)、灼花螺(正!)、海參炆草菇(海參好爽呀!)、花膠炆冬菇、炒菜心、青瓜炒魚肚、螺片(煲湯用, 切片蘸washabi豉油好味!), 仲有靚湯花膠螺肉湯, 好好飲呀~~

 

今晚嘅餸菜實在太豐富、太好味啦~~~~~~ 靚媽為咗今餐搞咗成日, 真係辛苦晒你啦~~~

不過唔知幾時再有餐食呢?! haha......